Byambo bya Maana
28 Babi banyema nangwa kya kuba kafwako ubena kwibapangisha ne,
Pakuba baoloka bachinchika nobe bokwe.+
2 Inge mu kyalo muji mizhilulwila,* ne bamfumu nabo bavula,+
Bino na bukwasho bwa muntu wa maana ne milangwe, mfumu* wikala moba avula.+
3 Muyanji uja bintu bya bantu bakajilwa,+
Uji nobe mvula onauna kajo konse.
4 Aba balengulula mizhilo batota mubi,
Pakuba aba balama mizhilo bazhingijila bano bantu.+
6 Muyanji wenda mu bulumbuluke wawama,
Kukila munonshi uji na byubilo bya bujimbijimbi.+
7 Mwana wa milangwe ulama mizhilo,
Pakuba awa wenda na batunama ulengesha bashanji bumvu.+
9 Awa ukana kulondela mizhilo,
Ne lulombelo lwanji lo lwa bunya.+
10 Awa usendwila muntu waoloka mu jishinda jatama ukaponena mu kimbo kyanji mwine,+
Pakuba babula kaneneno bakaswana byawama.+
12 Baoloka inge bashinda, kiwama bingi,
Pakuba babi inge baikala pa bufumu, bantu bafyama.+
13 Awa ufya mambo anji kechi ukamona byawama ne,+
Pakuba yense wiasolola ne kwialeka bakamubila lusa.+
14 Ye mwine wa lusekelo muntu wakamwa Lesa kimye kyonse,
Pakuba yense ukosesha muchima wanji ukamona bya malwa.+
15 Byonkatu biji bokwe ubuluma ne mbeyala wiya na bukaji,
Byo biji ne muntu mubi ulama bantu babula wa kwibakwasha.+
16 Ntangi wabula milangwe kechi wingijisha bulume bwanji bulongo ne,+
Bino awa washikwa nsubu ya bujimbijimbi ukekala moba avula.+
17 Muntu wazhatwa na mambo a mashi a kwipaya bumi* bwa muntu, ukanyemangatu kufika ne mu kilende.*+
Kafwako nangwa umo wafwainwa kumukwasha ne.
18 Awa wenda mu bukishinka bakamupokolola,+
Pakuba awa uji na byubilo byatama ukapona kya kubazhimukilatu.+
19 Awa ujima bujimi bwanji ukekala na kajo kavula,
Bino awa ulondalonda bintu byatutu ukayanda bingi.+
20 Muntu wa kishinka ukatambula mapesho avula,+
Bino awa unonka bukiji kechi ukekala wabula mambo ne.+
21 Kechi kyawama kuba misalululo ne;+
Bino muntu wakonsha kuba kintu kyatama na mambotu a kukeba kajo.
22 Muntu wa lwiso ukebesha bunonshi,
Bino kechi wayuka’mba buyanji bukamufikila ne.
24 Yense wibila bashanji ne bainanji ne kwamba’mba, “Kechi kyatama ne,”+
Ye mulunda wa muntu wa bono.+
27 Yense upapo bayanji kechi ukakajilwa ne,+
Pakuba awa wibavundamina bakamufinga mafingo avula.
28 Inge babi baikala pa bufumu, bantu bafyama,
Bino inge bavila, baoloka bavujilako.+