Byambo bya Maana
29 A Muntu ukosesha nshingo yanji* saka bamufundako javula+
Bakamonauna ponkapotu kya kuba kechi bakamubuka ne.+
2 Baoloka inge bavula, bantu basangalala,
Bino mubi inge ubena kulama bantu, bantu babinza.+
4 Mfumu ulengela kyalo kwikala bulongo na mambo a bunchibamambo bwaoloka,+
Pakuba muntu ukeba mazhikakanwa wikyonauna.
5 Muntu wambila mukwabo byambo bya mulambisha
Umuta bukonde ku maulu anji.+
6 Mizhilulwila ya muntu watama ikala ke kitewa kyanji mwine,+
Bino muntu waoloka usangalala ne kusekela.+
9 Muntu wa maana inge ubena kutoboka na muntu wakosama,
Pekalatu kupaata ne kwinena, kabiji kafwako kintu kyawama kifumamo ne.+
12 Inge mfumu wata muchima ku bya bubela,
Bakalume banji bonse bekala ke batama.+
13 Muyanji ne yewa umanyika bakwabo bepasha mu kino:*
Bonse babiji Yehoba ye wibapa kyeya kya bumi.*
16 Babi inge bavula, ne mizhilulwila nayo ivula,
Bino baoloka bakamonako babi byo bakapona.+
18 Pabula lutangijilo lwa Lesa,* bantu boba bintu byo bakeba abo bene,+
Bino aba balama mizhilo bo ba lusekelo.+
19 Kalume kechi ukeba kumufundako na byambo ne,
Nangwa kya kuba aye wibyumvwa, kechi wibilondela ne.+
20 Nanchi wakimonapo kala muntu upelawizha kwamba nyi?+
Kuji luketekelo lwa kuba’mba muntu wakosama ukekala bulongo kukila aye.+
21 Inge kalume bamulama butotwe kufumatu ku bwanyike bwanji,
Mu kuya kwa moba kechi ukasantanga ne.
23 Kwilundumika kwa muntu kumulengela kumupelula,+
Pakuba yense uji na muchima wa kwipelula bakamutumbijika.+
24 Mulunda na ngivi wishikwa aye mwine.*
Nangwa waumvwa mbila ya kuba’mba ekale kamonyi,* kafwako kyo amba ne.+