Byambo bya Maana
14 Mwanamukazhi wa maana ukosesha nzubo yanji,+
Pakuba wakosama wiyonauna mwine.
2 Awa wenda mu bololoke wakamwa Yehoba,
Bino awa wenda mu mashinda a bujimbijimbi* ulengulula Lesa.
3 Byambo bya muntu wakosama ko kamama ka kwilundumika,
Bino byambo bya bantu ba maana bikebazhikijila.
4 Pabula bañombe, kijiilamo bañombe kikala kyatoka,
Bino bulume bwa ñombe bulengela kwikala na kajo kavula.
5 Kamonyi wa kishinka kechi ubepa ne,
Pakuba kamonyi wa bubela wambatu bya bubela.+
6 Muntu wa milengulwila ukeba maana kabiji kechi wiataana ne,
Bino muntu uji na maana uyuka bintu bukiji.+
7 Fumaiko ku muntu wakosama,
Mambo kechi mukataanamo maana mu byambo byo amba ne.+
8 Maana a muntu wajimuka amulengela kuyuka ko abena kuya,
10 Muntu uyuka bulanda buji mu muchima wanji,*
Kabiji kafwako muntu mukwabo wakonsha kuyuka lusekelo luji mu muchima wanji ne.
11 Nzubo ya mubi bakeyonauna,+
Pakuba tente wa muntu waoloka ukatwajijila.
13 Nangwatu muntu ubena kuseka, wakonsha kumvwa ku muchima kukola,
Ne mu lusekelo mwakonsha kufuma bulanda.
14 Muntu uji na muchima watama, ukamwenamo byatama mu byubilo byanji,+
Pakuba muntu wawama ukamwenamo byawama mu bintu byo oba.+
15 Muntu wabula kuyuka bintu ye kitabilambijinga,
Bino muntu wajimuka ulangulukishapo pa bintu byo oba.+
16 Muntu wa maana wajimuka kabiji ufumako ku bintu byatama,
Pakuba muntu wakosama kechi utako muchima ne,* kabiji ukizhamo kwiketekela.
18 Bantu babula kuyuka bintu bakekala bakosama,
Pakuba bajimuka bebavwika munchinya wa maana.+
19 Bantu batama bakafukamina bantu bawama,
Ne babi bakafukama ku bibelo bya bantu baoloka.
21 Awa ulengulula mukwabo ye ekala nanji kipikipi ulenga mambo,
Pakuba yense ubila muyanji lusa ye wa lusekelo.+
22 Nanchi aba balanguluka kuba byatama kechi baya mungi nenyi?
Bino aba bakeba kuba byawama bakebamwesha butemwe bubula kwaluka ne bukishinka.+
23 Mu kwingila na ngovu mufuma byawama,
Bino mu kwabauka mufumatu buyanji.+
24 Bunonshi ye munchinya wa bantu ba maana;
Pakuba mu mingilo ya bantu bakosama mufumatu kukosama.+
25 Kamonyi wa kine upulusha bantu,*
Bino mujimbijimbi wambatu bya bubela.
27 Kwakamwa Yehoba yo nsulo ya bumi,
Kabiji kulengela muntu kusezha bitewa bya lufu.
28 Bantu bavula bo balengela mfumu kutumbalala,+
Bino kalama wabula bantu wikala watutu.
31 Awa wibila mulanda kupichila mu kumubepa, umuba mwenga Mulenga wanji,+
Bino yense ubila lusa muyanji utumbijika Lesa.+
32 Mubi ukapona na mambo a byubilo byanji byatama,
Pakuba waoloka ukafyama mu bukishinka bwanji.+
33 Maana ekala mu muchima wa muntu ukwatakanya bintu,+
Bino maana asolola bantu bakosama.
34 Bololoke butumbijika kisaka kya bantu,+
Bino bubi bulengesha bantu bumvu.