Masalamo
ל [Lamed]
10 Anweba Yehoba, mambo ka o mwimena kwalepa?
Mambo ka o mufyamina mu kimye kya bya malwa?+
2 Mu bwitote bantu babi balondalonda muntu wabula wa kumukwasha,+
Pano bino, ukafwa mu bintu byo afuukulapo kuba.+
3 Mambo muntu mubi witotela mu bisakasaka* muchima wanji+
Kabiji upesha muntu wa lunkumbwa;*
נ [Nun]
Ulengulula Yehoba.
4 Mu bwitote bwanji, muntu mubi kechi wipuzha ne;
Aye ulangulukatu amba: “Lesa ufwako.”+
5 Bintu byonse byo oba bilumbuluka,+
Bino kechi wakonsha kukwatakanya mwatala bunchibamambo bwenu ne;+
Aye wendeleka balwanyi banji bonse.
6 Wamba mu muchima wanji amba: “Kechi nkatenkena* nangwa pachechetu ne;
Kukafikatu ne ku bisemi byonse
Kechi nkapitapo mu bya malwa ne.”+
פ [Pe]
7 Kanwa kanji kayula mafingo, bubela, ne byambo bya kuzakamisha;+
Lujimi wanji wamba byambo byatama kabiji bikozhañana.+
8 Ubelamina kwipi na mizhi;
Ufuma mo afyama ne kwipaya muntu wabula mambo.+
ע [Ayin]
Meso anji atalatala muntu wabula wa kumukwasha.+
9 Upembelela monka mo afyama nobe bokwe uji mo afyama.*+
Upembelela kukwata muntu wabula wa kumukwasha.
Pa kukoka bukonde bwanji, ukwata muntu wabula wa kumukwasha.+
10 Ushinda muntu wabula wa kumukwasha ne kumuponesha panshi;
Bayanji bavula wibakwata na maboko* anji.
11 Wamba mu muchima wanji amba: “Lesa walubako.+
Wafumyako kilungi kyanji.
Kechi umona ne.”+
ק [Qoph]
12 Anweba Yehoba, imanai.+ Anweba Lesa, suntulai kuboko kwenu.+
Kange mulubeko bantu babula wa kwibakwasha ne.+
13 Mambo ka mubi o alengulwila Lesa?
Aye wamba mu muchima wanji amba: “Kechi mukantotolwesha ne.”
ר [Resh]
14 Bino anweba mutala makatazho ne bya malwa.
Mwiamona ne kwingijilapo.+
ש [Shin]
15 Mokolai kuboko kwa mubi ne kwa muntu watama,+
Pa kuba’mba byo mukakeba bubi bwanji,
Kechi mukebutaana ne.
16 Yehoba ye Mfumu myaka ne myaka.+
Bisaka bya bantu byavila pano pa ntanda.+
ת [Taw]
17 Bino anweba Yehoba mukomvwa misashijilo ya bakimote.+
Mukalengela michima yabo kuchinchika+ kabiji mukebata muchima.+