Nkalata Itanshi ku Bena Kolinda

8 Pa mambo a kajo ko batapishisha bankishi:+ Atweba bonse twayukishatu bulongo kino.+ Kuyuka bintu kulengela kwilundumika, bino butemwe bukomesha bantu.+ 2 Umvwe muntu walanguluka’mba wayuka kintu, ukyangye kwikiyuka byonka byo afwainwa kwikiyuka. 3 Bino umvwe muntu watemwa Lesa, uno muntu wayukanyikwa kwi aye.

4 Pa mambo a kuja kajo ko batapishisha bankishi, twayuka’mba nkishi ye watu+ pano pa ntanda kabiji kujitu Lesa umo kwapwa.+ 5 Nangwa kya kuba kuji batelwa’mba balesa, mwiulu nangwa pano pa ntanda,+ byonkatu byo kuji “balesa” bavula ne “bankambo” bavula, 6 atweba tujitu na Lesa umo+ Tata,+ kufuma byonse kabiji na mambo a aye kyo kyo twaikelako;+ kabiji kujitu Nkambo umo yenka Yesu Kilishitu, mwi aye mo mwamwekejile byonse+ ne atweba pamo.

7 Nangwa byonkabyo, kechi bonse bayuka bino bintu ne.+ Bino bamo na mambo a kuba kala bapopwelanga bankishi, baja kajo ko batapishisha bankishi,+ ne jiwi ja mu muchima wabo byo jakooka, jatama.+ 8 Bino kajo kechi kaketufwenyesha kwipi ne Lesa ne;+ umvwe twabula kuja, kafwako kyo tukajilwa ne, kabiji umvwe twaja kafwako kyo tumwenamo ne.+ 9 Bino jimukai kuba’mba luusa lwenu lwa kusala bintu lubulenga kutuntwisha bakooka.+ 10 Mambo obewa wayuka bintu umvwe bakumona saka uja kajo mu nzubo ya bankishi, nanchi jiwi ja mu muchima ja yewa wakooka kechi jikamulengela kutendeka kuja kajo ko batapishisha bankishi nenyi? 11 Onkao mambo, na mambo a bintu byo mwayuka, mubena konauna muntu wakooka, mulongo wenu ye bafwijile kwi Kilishitu.+ 12 Umvwe mwibalenga mambo balongo benu mu jino jishinda ne konauna jiwi jabo ja mu muchima jakooka,+ mubena kumulenga mambo Kilishitu. 13 Byonkabyo, umvwe kajo katuntwisha mulongo wami, kechi nkekajapo jibiji ne, pa kuba’mba nkabule kutuntwisha mulongo wami.+