Masalamo
Kwi ntangi; wa pa Ngititi.* Salamo wa Asafwa.+
81 Imbai na lusekelo kwi Lesa wa bulume bwetu.+
Bijikai na lusekelo kwi Lesa wa Yakoba.
2 Saulai lwimbo ne kushikula minsakayi,
Kyansa pamo na kijimba kya mizhinge.
4 Mambo uno ye mukambizho ku bena Isalela,
Muzhilo wa Lesa wa Yakoba.+
Naumvwine jiwi* jo nabujile kuyuka, jaambile’mba:
6 “Nafumishe kisendwa pa kipuzhi kyanji;+
Ne maboko anji alekele kukwata ku ntumbe.
Nemwesekele ku mema a ku Meliba.*+ (Selah)
8 Anweba bantu bami, umvwai ne amiwa nsakwimushinawina.
Anweba bena Isalela, inge kya kuba musakunteleka.+
9 Kechi mukekalapo na lesa ungi ne,
Kabiji kechi mukafukaminanga lesa ungi ne.+
10 Amiwa Yehoba, yami Lesa wenu,
Yenka wimufumishe mu kyalo kya Ijipita.+
Asamikai tunwa twenu, ne amiwa nsakwituyuzha na kajo.+
11 Bino bantu bami kechi baumvwine jiwi jami ne;
Bena Isalela kechi bankookejile ne.+
12 Onkao mambo, nebalekele namba balondele bikeba michima yabo yakosa;
14 Inge napelawizhe kushinda balwanyi babo;
Kabiji inge nakabishe balwanyi babo.+
15 Aba bashikwa Yehoba bakeya kwi aye saka bazakama,
Ne kintu kikebamwekela* kikekala kya myaka ne myaka.