Masalamo
94 Anweba Yehoba, Lesa ushinkanya,+
Anweba Lesa ushinkanya, samai!
2 Imanai, anweba Mutonyi wa pano pa ntanda.+
Fwetai aba betota byonka bibafwainwa.+
3 Bimye binga, anweba Yehoba,
Bimye binga babi byo bakatwajijila kwitumbijika?+
4 Babauka ne kwamba na kwitota;
Bantu bonse batama betota.
5 Basansaula bantu benu, anweba Yehoba,+
Ne kumanyika buswanyi bwenu.
6 Bepaya mwanamukazhi wafwilwa ne muntu wafuma ku kyalo kingi,
Kabiji bepaya baana babula bashabo.
8 Anweba babula maana kwatakanyai kino;
Anweba bakosama, ñanyi kimye kyo mukamwesha’mba muji na milangwe?+
9 Nanchi awa walengele* kutwi, kechi wakonsha kumvwa nenyi?
Nanchi awa walengele jiso kechi wakonsha kumona nenyi?+
10 Nanchi awa ololako bisaka bya bantu, kechi wakonsha kufunjisha nenyi?+
Aye ye upana maana ku bantu!+
11 Yehoba wayuka milanguluko ya bantu,
Amba ijitu nobe muya.+
12 Ye mwine wa lusekelo awa ye mololako anweba Yehoba,+
Yenka ye mufunjisha mizhilo yenu,+
13 Amba mumulengele kwikala mutende mu moba a bya malwa,
Kufikatu ne mubi byo bakamupoyila kimbo.+
15 Mambo bunchibamambo bukoloka jibiji,
Ne bonse baoloka michima bakebulondela.
16 Ñanyi ukandwilako na babi?
Ñanyi ukandwilako na bantu boba byatama?
18 Byo naambile namba: “Kulu kwami kubena kutezhimuka,”
Butemwe bwenu bubula kwaluka, anweba Yehoba, bwankwashishenga.+
20 Nanchi jitanda* jatama jakonsha kukwatankana ne anweba
Saka jibena kuleta makatazho na kubepekezha kulondela mizhilo nyi?+
23 Aye ukalengela mingilo yabo ya bubi kwibafikila abo bene+
Ukebonauna* na mambo a bubi bwabo.