Ku Bena Loma
10 Balongo bami, nakebesha bingi kwibasashijilako bena Isalela kwi Lesa kuba’mba bapuluke.+ 2 Mambo nebamona namba baji na mukoyo wa kwingijila Lesa,+ bino kechi mwayila maana alumbuluka ne. 3 Na mambo a kubula kuyuka bololoke bwa Lesa+ ne kukeba bololoke bwabo bene,+ kechi bakookejile bololoke bwa Lesa ne.+ 4 Mambo Kilishitu ye mpelo ya Mizhilo,+ kuba’mba bonse baitabila bekale baoloka.+
5 Mambo Mosesa wanembele pa bololoke bwa mu Mizhilo amba: “Muntu uba bino bintu, ukekala na bumi na mambo a kwibyuba.”+ 6 Pa mambo a bololoke bwiya na mambo a lwitabilo, kyanembwa’mba: “Kange mwambenga mu michima yenu amba,+ ‘Ñanyi ukaya mwiulu?’+ ko kuba’mba, na kwikizha Kilishitu panshi ne, 7 nangwa’mba, ‘Ñanyi ukekila mu kalengwa?’+ ko kuba’mba, kufumya Kilishitu mu bafu ne.” 8 Nanchi kinembelo kyaamba’mba ka? Kyaamba’mba: “Byambo muji nabyo, monka mu kanwa kenu ne mu muchima wenu”;+ ko kuba’mba, “byambo” bya lwitabilo byo tubena kusapwila. 9 Mambo umvwe mwaamba patoka na kanwa kenu amba Yesu ye Nkambo,+ ne kwitabila mu muchima wenu amba Lesa wamusangwile mu bafu, mukapuluka. 10 Mambo na muchima muntu witabila ne kumona bololoke, bino na kanwa muntu usolola lwitabilo lwanji patoka+ ne kumona lupulukilo.
11 Mambo kinembelo kyaamba’mba: “Kafwako muntu nangwa umo wamwitabila ye bakalengesha bumvu ne.”+ 12 Mambo kafwapo lupusano pakachi ka Muyudea ne Mungiliki ne.+ Kujitu Nkambo umo wa bonse, ubila bibusa* bonse bamujijila. 13 Mambo “yense wita pa jizhina ja Yehoba* ukapuluka.”+ 14 Bino bakamwita byepi umvwe kechi bamwitabila ne? Kabiji bakamwitabila byepi ye babula kumvwapo? Kabiji bakomvwa byepi kwa kubula wa kwibasapwila? 15 Bakasapwila byepi kwa kubula kwibatuma?+ Byonkatu byo kyanembwa’mba: “Byo aubapo buya maulu a boba basapwila mambo awama a bintu byawama!”+
16 Nangwa byonkabyo, bonse kechi bakookejile mambo awama ne. Mambo Isaya waambile’mba: “Yehoba,* bañanyi baitabila mu kintu kyo baumvwine* kwi atweba?”+ 17 Onkao mambo, lwitabilo lwiya pa kumvwa kintu.+ Kabiji kintu kyo baumvwa kishila mu byambo byaamba pe Kilishitu. 18 Nanchi kino kibena kulumbulula’mba kechi baumvwine byambo nenyi? Kine “jiwi jabo jaumvwanyikile pano pa ntanda ponse, ne byambo byabo byaumvwanyikile konse kwapela ntanda.”+ 19 Nanchi kino kibena kulumbulula’mba bena Isalela kechi bayukile nenyi?+ Patanshi Mosesa waambile’mba: “Nkemuzhingijisha na bantu babula kisaka kya bantu; nkemulengela kwikala na bukaji kupichila mu kisaka kya bantu kyakosama.”+ 20 Bino Isaya wachinchikile ne kwamba’mba: “Nesolola patoka ku boba babujilenga kunkeba;+ nayukanyikilwe ku bantu babujilenga kwipuzha pe amiwa.”+ 21 Bino waambile pa bena Isalela amba: “Juba jonse, natambika maboko ami ku bantu babula kukookela kabiji bakosa michima.”+