Masalamo

 2 Mitumba saka ikyangye kulengwa

Nangwa saka mukyangye kulenga* ntanda ne mushiji,+

Kufumatu kala kene kufika ne myaka ne myaka, anweba yenu Lesa.+

 3 Mulengela muntu ufwa kubwela ku lukungu;

Mwamba’mba: “Anweba baana ba bantu, bwelai ku lukungu.”+

 4 Mambo myaka kiumbi kwi anweba ijitu byonka byo tumona juba ja kesha japita,+

Ijitu nobe kilo kimo kya bufuku.

 5 Mwibonauna;+ bazhimañanatu nobe kiloto;

Lukelo bekalatu nobe munyemvu.+

 6 Lukelo usapuka ne kukoma,

Pakuba mabanga uleela ne kuma.+

 7 Mambo bukaji bwenu bwitonauna

Kabiji bukaji bwenu+ bwitulengesha moyo.

 8 Anweba mwabika bubi bwetu kulutwe yenu;*+

Byubilo byetu byafyamika byasoloka na mambo a kyeya kya mu kilungi kyenu.+

 9 Moba etu abena kuya na kukepa* na mambo a bukaji bwenu;

Ne myaka yetu ipwatu bukiji nobe kunongota.*

10 Myaka ya bumi bwetu yo myaka 70,

Nangwa 80+ inge kya kuba muntu wakosa.*

Bino yayulatu na makatazho ne bulanda;

Ipwatu bukiji, kabiji tuzhimañana.+

12 Tufunjishai bya kubala moba etu+

Pa kuba’mba twikale na muchima wa maana.

14 Mu kimye kya lukelo, tumweshai butemwe bwenu bubula kwaluka,+

Pa kuba’mba twimbenga na lusekelo ne kusangalala+ mu moba etu onse.

15 Tulengelai kusangalala kwesakana na moba o mwitukabishe,+

Kwesakanatu na kuvula kwa myaka yo twamanaminenga.+

16 Bakalume benu bamone mingilo yenu,

Ne baana babo bamone lukumo lwenu.+

17 Bibusa bya Yehoba Lesa wetu bikale pe atweba;

Peshai* mingilo ya maboko etu.