Musapwishi
4 Kabiji nalangulukilenga pa lumanamo lonse lubiwa pano pa ntanda. Namwene byajijilenga bantu bo bamanyikilenga, kabiji kechi kwajinga wa kwibatekenesha ne.+ Kabiji bantu bebamanyikilenga, bebakijile bulume. Onkao mambo, kechi kwajinga wa kwibatekenesha ne. 2 Namwene namba muntu wafwa wawama kukila yewa ukiji mumi.+ 3 Kabiji muntu ukyangye kusemwa wawama kukila bonse babiji,+ mambo aye ukyangye kumonapo bintu byatama byubiwa pano pa ntanda.+
4 Kabiji namwene bantu byo bebikako* kwingila bulongo mingilo yabo na mambo a kwiubila kichima;+ kino nakyo kyo kyatu, ko kukabakanatu.
5 Muntu wakosama na mambo a bukope wiipayisha mwine.*+
6 Kyawama kukokolokako kukila kukizhamo kwingila mingilo ne kupulwilamotu mabuula.+
7 Kabiji namwene kintu kikwabo kyatu kyo boba pano pa ntanda: 8 Kya kuba muntu wikalatu bunke; kechi ujipo na mwana nangwa mulongo ne, pano bino, kechi uleka kwingila mingilo yanji yonse ne. Kechi utondwa na bya bunonshi ne.+ Abya nanchi wishikisha mwine amba, ‘Ñanyi ye mbena kwingijila ino mingilo, kabiji mambo ka o mbena kubujila kwiyowa bintu byawama’?+ Bino nabyo byo byatu, ke mingilo yakatazha.+
9 Bantu babiji bawama kukila uji bunke+ mambo bamwenamo byawama* mu mingilo yabo. 10 Mambo inge umo wapona, mukwabo ukamwimanyapo. Pano kyakonsha kwikala byepi umvwe muntu uji bunke wapona kwa kubula wa kumwimanyapo?
11 Kabiji umvwe bantu babiji balaala pamo, bomvwa kyuya, pano muntu uji bunke wakonsha kumvwa byepi kyuya? 12 Kabiji muntu umo wakonsha kushinda mukwabo uji bunke, pakuba bantu babiji kechi wakonsha kwibashinda ne. Kechi kyapela lutambo wa mizhinge isatu kuchibika bukiji ne.
13 Mwanyike muyanji uji na maana wawama kukila mfumu mukote wakosama+ ukana kulondela byo bamujimunako.+ 14 Mambo aye* wafumine mu kaleya ne kwikala mfumu,+ nangwa kya kuba wasemekelwe muyanji mu bobo bufumu.+ 15 Namwenenga byuba bonse baji pano pa ntanda, ne byuba mwana upingakena pa bufumu. 16 Nangwa kya kuba, bamutundaikilenga bavujile, aba bo akalamanga kulutwe kechi bakamutemwa ne.+ Kino nakyo kyo kyatu, upulwilamotu mabuula.