Masalamo

142 Namwita Yehoba na jiwi jami namba ankwashe;+

Namusashijila Yehoba na jiwi jami namba angubile lusa.

 2 Namubuula bintu byonse biji ku muchima wami;

Namubuula bya malwa byami+

 3 Inge napopomenwa.*

Balwanyi bami banta kakose,

Mu jishinda mo ñenda.

 4 Talai ku kuboko kwami kwa kilujo mumone

Kuba’mba kafwako nangwa umo wanta* muchima ne.+

Kafwako ko nakonsha kunyemena ne;+

Kafwako nangwa umo wanta muchima amiwa* ne.

Naamba namba: “Mwi kyami kya kufyamamo,+

Yenu* yenka ye nji nanji mu kyalo muji bantu bomi.”

 6 Telekai kujila kwami kwa kukeba bukwasho,

Mambo bampelula bingi.

Mpokololai ku boba bammanyika,+

Mambo bakosa kukila amiwa.

 7 Ndupulaimo mu kaleya

Kuba’mba ntote jizhina jenu.

Bantu baoloka banzhokoloke

Mambo mwangubila lusa.