Masalamo
Wa kwa ntangi; wa pa Ngititi.* Salamo wa baana ba kwa Kola.+ Lwimbo.
Muchima wami ne mubiji wami yense wimba na lusekelo kwi Lesa mumi.
3 Mambo ne kañonyi kataana mwa kwikala konkakwa
Ne kamimbya kalenga kinsa,
Mokalamina twana twako
Kwipi na kya kusokelapo bitapisho kyenu, anweba Yehoba wa mabumba,
Mfumu wami kabiji Lesa wami!
4 Bo bene ba lusekelo aba bekala mu nzubo yenu!+
Batwajijila kwimutota.+ (Selah)
5 Bo bene ba lusekelo aba bo mupa bulume,+
Baji na michima ikebesha kwenda mu mikwakwa yaya ku nzubo yenu.
6 Byo bapita mu Kimpachiko* kya Baka,
Bekyalula kwikala mpunzha ya masulo a mema;
Kabiji mvula mutanshi wikivwika* bintu byawama.
7 Pa kwenda bakakoselangakotu;+
Muntu yense umweka ku meso a Lesa mu Ziona.
8 Anweba Yehoba Lesa wa mabumba, umvwai lulombelo lwami;
Anweba Lesa wa Yakoba, telekai. (Selah)
10 Mambo kwikala juba jimo mu bipango byenu kwawama kukila kwikala myaka kiumbi ku mpunzha ingi!+
Nasalapo kwimana ku kibelo kya nzubo ya Lesa wami
Kukila kwikala mu matente muji bubi.
Yehoba kechi ukebatana bintu byawama
Aba benda mu bulumbuluke ne.+
12 Anweba Yehoba wa mabumba,
Ye mwine wa lusekelo waketekela mwi anweba.+