Masalamo
Kwi ntangi; kwimba bimba “Nsebula Mukazhi wa ku Makya.”* Lwimbo wa kwa Davida.
22 Lesa wami, Lesa wami, mambo ka o mwanshila bunke?+
Mambo ka o mwaikela kwalepa ne kumpulusha,
Ku bya kumanama byami ne?+
2 Anweba Lesa wami, nemwita mu kimye kya mute, bino kechi mungitaba ne;+
Kabiji bufuku nabo kechi nzhindamapotu ne.
5 Bemujijiilenga, kabiji bapulukile;
Bemuketekejile, kabiji kechi mwibalengeshe bumvu ne.+
8 “Wipaine mwine kwi Yehoba. Mulekai amupokolole!
Mulekai amupulushe, mambo wamutemwa bingi!”+
9 Anweba yenu mwandupwile munda,+
Yenu mwanzhikijile byo najinga ku mabele a bamama.
10 Bampaine kwi anweba kuba’mba mundamenga* kufumatu pa kusemwa kwami;
Yenu Lesa wami kufumatu munda mwa bamama.
11 Kange mwikale kwalepa ne amiwa ne, mambo makatazho ajitu pepi+
Kabiji kechi njipo na muntu mukwabo wa kunkwasha ne.+
14 Bulume bwami bebwitulula nobe mema;
Bikupa byami byonse byatelumuka mu byako.
15 Bulume bwami bwauma nobe kiyinga;+
Lujimi wami walamachila mu kanwa kami;+
Mubena kuntwala ku lufu.+
16 Balwanyi bami banzhokoloka nobe bakabwa;+
Jibumba ja bangubabibi janzhokoloka,+
Babena kunsuma ku maboko ne ku maulu nobe bokwe.+
17 Nakonsha kubala bikupa byami byonse.+
Bantala ne kunzanza meso.
19 Bino anweba Yehoba, kange mwikale kwalepa ne amiwa ne.+
Yenu bulume bwami; pelawizhai kunkwasha.+
20 Mpokololai ku mpoko,
Pokololai bumi* bwami bwanema ku bakabwa basumana;+
21 Mpokololai ku kanwa ka bokwe+ ne ku nsengo ya bamboo;
Ngitabai ne kumpokolola.
23 Anweba mwakamwa Yehoba, mutotai!
Anweba baana* bonse ba kwa Yakoba, mutumbijikai!+
Anweba baana* bonse ba Isalela, mwakamwai.
24 Mambo aye kechi walengulula nangwa kushikwa kumanama kwa muntu ye bamanyika ne;+
Kechi wafya kilungi kyanji kwi aye ne.+
Byo amujijiile amba amukwashe, wamumvwine.+
25 Nkemutotanga mu kipwilo kikatampe;+
Nkafikizha luchipo lwami ku boba bamwakamwa.
Mwikale na bumi myaka ne myaka.*
27 Bonse bekala kwapela ntanda bakavuluka ne kubwela kwi Yehoba.
Ne mikoka ya bisaka bya bantu ikemufukamina.+
28 Mambo Yehoba ye mfumu;+
Ulama bisaka bya bantu byonse.
29 Banonshi* bonse ba pano pa ntanda bakaja ne kufukama;
Aba bonse baya ku lukungu bakamufukamina;
Kafwako nangwa umo pe abo wakonsha kupulusha bumi* bwanji ne.
30 Baana* babo bakamwingijilanga;
Kisemi kikeya kulutwe bakekifunjisha pe Yehoba.
31 Bakeya na kwamba pa bololoke bwanji.
Bakabuula ne bantu bakasemwa bintu byo auba.