Masalamo
Lwimbo wa kwa Asafwa.+
2 Lesa wasama monka mu Ziona wa buya bwalumbuluka.+
3 Lesa wetu ukeya kabiji kechi ukazhindamatu ne.+
5 “Nkonkenyai pamo bantu bami ba kishinka,
Aba balayañana lulayañano ne amiwa kupichila mu kupana kitapisho.”+
6 Jiulu jamba bololoke bwanji,
Mambo Lesa ye Mutonyi.+ (Selah)
7 “Umvwai, anweba bantu bami, ne amiwa nsakwamba nenu;
Anweba bena Isalela nsakwimushinawina.+
Amiwa ne Lesa, Lesa wenu.+
8 Kechi nemukajipila na mambo a bitapisho byenu,
Nangwa na mambo a milambo yenu yonse ya kusoka iji ku meso ami moba onse ne.+
9 Kechi mbena kukeba kutambula ñombe mulume kufuma mu nzubo yenu,
10 Mambo banyama bonse ba mungye bo bami,+
Kuvwangakotu ne banyama bakaji bekala mu mitumba yonse.
11 Nayuka bañonyi bonse bekala mu mitumba;+
Ne banyama ba mungye ba kukankalwa kubala bonse bo bami.
12 Umvwe nafwa nzala, kechi nakonsha kwimulomba kajo ne,
Mambo mushiji ne bintu byonse bijipo byo byami.+
13 Nanchi nakonsha kuja nyama ya ñombe
Ne kutoma mashi a bambuzhi nyi?+
14 Panai kitapisho kya kusanta kwi Lesa,+
Ne kufikizha luchipo lwenu ku Mwine Wakila;+
15 Ngitai mu kimye kya malwa.+
Nkemupokolola, ne anweba mukantumbijika.”+
16 Bino Lesa ukambila mubi amba:
19 Na kanwa kobe usampanya byambo byatama,
Kabiji lujimi wobe wayula na bujimbijimbi.+
20 Wikala na bantu bangi ne kwamba byatama pa mulongo wobe;+
Usolola bintu* byatama byuba mwana wa mulume wa bainobe.
21 Byo waubile bino bintu, amiwa nazhindaminetu,
Walangulukilenga’mba nkekala byonka byo uji.
Pano nsakukukajipila,
Kabiji nsakwamba pa mambo o wandenga.+
22 Langulukai pa kino anweba mwavulama Lesa,+
Pa kuba’mba mbule kwimutabaula kwa kubula ne wa kwimupokololako.