Nahumi
1 Mbila pa mambo a Ninevwa:+ Buku wa kimwesho kyamwene Nahumi* mwina Elekoshi:
2 Yehoba ye Lesa ukeba kumwingijilatu+ bunke bwanji kabiji ushinkanya;
Yehoba ushinkanya kabiji winengezha kumwesha bukaji bwanji.+
Yehoba ushinkanya na balwanyi banji,
Kabiji wibalamina bukaji balwanyi banji.
3 Yehoba ubanda kuzhingila+ kabiji uji na bulume bukatampe,+
Bino Yehoba kechi ukebalekatu bantu bafwainwa kukambulwa ne.+
Jishinda janji jiji mu luvula wonauna ne mu kinkunkwila,
Kabiji makumbi lo lukungu lwa ku maulu anji.+
Bashana ne Kamela bileela,+
Ne maluba a ku Lebanoni aleela.
5 Mitumba ijikima na mambo a aye,
Ne tutumbatumba tusunguluka.+
Ntanda ikekala mu kiwowo na mambo a kilungi kyanji,
Pamo na kyalo ne bonse bekalamo.+
6 Ñanyi wakonsha kwimana kwi aye inge wazhingila?+
Kabiji ñanyi wakonsha kuchinchika kyuya kya bukaji bwanji?+
Bukaji bwanji buketululwa nobe mujilo,
Ne mabwe akalalauka na mambo a aye.
7 Yehoba wawama,+ ye nsakwa yakosa mu juba ja bya malwa.+
Wibata muchima* aba bafyama mwi aye.+
8 Ukonauna yewa muzhi* yense na muyulo,
Kabiji mfishi ikapupilanga balwanyi banji.
9 Ñanyi bintu byatama byo mukalanguluka kumuba Yehoba?
Aye ubena kuvizhatu byonse shata.
Bya malwa kechi bikeya jibiji ne.+
10 Mambo abo bapikankana nobe miba,
Kabiji baji nobe bantu bapendwa maalwa;*
Bino bakapyatu nobe nenge yauma.
11 Mwi obewa mukafuma muntu ukalanguluka kumuba Yehoba byatama,
Ne kubulañana maana atama.
12 Yehoba waamba’mba:
“Nangwa kya kuba bajinga bingi na ngovu kabiji bavula,
Nangwa kiji byonkabyo, bakebachibako kabiji bakavila.
Nakumanyika,* bino kechi nkabwezhapo kukumanyika ne.
13 Pano nkachimauna kikonkoji kyanji ne kwikifumya pe obewa,+
Kabiji nkamokola pabiji minyololo yobe.
14 Yehoba wakambizha pe obewa* amba,
‘Jizhina jobe kechi jikekala kikupu ne.
Nkonauna bipashañano bya kusonga ne bipashañano bya byela* biji mu nzubo ya balesa bobe.
Nkakupoyila kilende, mambo wi wa bunya.’
15 Tala! Pa mitumba paji maulu a yewa ubena kuleta mambo awama,+
Yenka ubena kutaya mbila ya mutende.
Obewa Yuda, sekelela bijiilo byobe,+ fikizha luchipo lobe,
Mambo muntu watutu kechi ukapita jibiji mwi obewa ne.
Aye ukonaunwa.”