Masalamo
Kwi ntangi; wa pa Yedutuna.* Salamo wa Asafwa.+ Lwimbo.
77 Nkajijila Lesa na jiwi jami;
Kwi Lesa ko ko nkajijila, ne aye ukañumvwa.+
2 Mu juba ja kumanama kwami, namukebele Yehoba.+
Bufuku, ntanyika maboko ami kwi aye kwa kubula kuleka.*
Amiwa* kechi bakonsha kuntekenesha ne.
4 Mukemuna mu bikope byami;
Naakamwa kabiji kechi nakonsha kwamba ne.
5 Mvuluka moba a kala,+
Ne myaka ya kala kene.
6 Mu kimye kya bufuku mvuluka lwimbo wami;*+
Ndanguluka languluka mu muchima wami;+
Amiwa* nkebakeba bulongo.
7 Nanchi Yehoba uketutaya kikupu nyi?+
Nanchi kechi uketubila jibiji lusa nenyi?+
8 Nanchi butemwe bwanji bubula kwaluka bwapwijijilatu nyi?
Abya mulaye wanji kechi ukamufikizha ku bisemi byonse bya kulutwe nenyi?
9 Nanchi Lesa walubako kumwesha bibusa byanji,+
Nangwa abya bukaji bwanji bwamulengela kuleka kuba lusa nyi? (Selah)
10 Nanchi nkatwajijila kwamba’mba: “Akino kyo kinkatazha:*+
Mwine Wakila waalula milanguluko* yanji pe atweba” nyi?
11 Nkavulukanga mingilo ya kwa Yehoba;
Nkavulukanga mingilo yenu ya kukumya yo mwaubile kala.
12 Nkalanguluka langulukanga pa mingilo yenu
Kabiji nkalangulukanga pa bintu byo mwauba.+
13 Anweba Lesa, mashinda enu azhila.
Ñanyi lesa waesakana pamo ne anweba Lesa?+
14 Yenu Lesa wa kine, yenka uba bintu bya kukumya.+
Mwasolola bulume bwenu ku mitundu ya bantu.+
16 Mema emumwene, anweba Lesa;
Mema emumwene kabiji achiine.+
Ne mema avula aakaminwe.
17 Makumbi aitulwile mema.
Ne mwiulu mwaluluminenga,
Ne miketo yenu yayilenga konse konse.+
18 Jiwi ja kululuma kwenu,+ jajinga nobe kululuma kwa makalaki;
Kubesha kwa mvula kwatokeshe pano pa ntanda;*+
Ntanda yazakamine ne kutenkena.+
19 Mukwakwa wenu wapichile mu kalunga ka mema,+
Jishinda jenu japichile mu mema avula;
Bino ngayo yenu kechi yamwekelenga ne.