Nkalata Itanshi kwi Timoti
2 Kintu kitanshi, mbena kukusashijila namba, milombelo ya misashijilo, milombelo, milombelo ya kulombelako bantu, milombelo ya kusanta ikalenga ya kulombelako bantu bonse, 2 bamfumu ne bonse baji pa bifulo bikatampe,*+ pa kuba’mba twikalenga bwikalo bwa mutende bwazhindama saka tumwesha munema wa kunemeka Lesa ne kuba bintu byonse na mukoyo.+ 3 Kino kyo kyawama kabiji kyaitabilwa kwi Lesa Mupulushi wetu,+ 4 wakeba’mba bantu bonse bapuluke+ ne kuyukisha bulongo bukine. 5 Mambo kujitu Lesa umo,+ ne ñambi umo+ uji pakachi ka Lesa ne bantu,+ muntu, aye Kilishitu Yesu.+ 6 Wipaine mwine kwikala bukuzhi bwaesakana bwa kukuula bonse*+—kino kikashimunwa pa kimye kyakyo kyafwainwa. 7 Na mambo a kuno kushimuna,+ bantongwele kwikala musapwishi ne mutumwa+—mbena kwamba kine kechi mbena kubepa ne—mufunjishi wa bisaka bya bantu+ wa kwibafunjisha pa lwitabilo ne bukine.
8 Onkao mambo, nakeba namba ku mapunzha onse banabalume balombenga saka basuntula maboko mu bukishinka+ kwa kubula bukaji+ ne kutoboka.+ 9 Kabiji banabakazhi nabo bafwainwa kuvwalanga bulongo,* na kwipelula ne kwikala na milanguluko yawama,* kechi na nsuki yo bakizhamo kwichika nangwa na ngolode nangwa na bamangalite nangwa na bivwalo bya mutengo mukatampe ne,+ 10 bino bafwainwa kuvwala byafwainwa banabakazhi betela’mba banemeka Lesa,+ ko kuba’mba kupichila mu kwingila mingilo yawama.
11 Mwanamukazhi afundenga saka azhindama na kunekenena konse.+ 12 Kechi naswisha mwanamukazhi kufunjisha nangwa kwikala na luusa pa mwanamulume ne, bino wafwainwa kuzhindama.+ 13 Mambo Adama ye walengelwe patanshi, apa bino ke Evwa.+ 14 Kabiji Adama kechi wajimbaikilweko ne, bino mwanamukazhi ye wajimbaikilwe bingi+ ne kwikala wa mizhilulwila. 15 Nangwa byonkabyo, bakamulama bulongo na mambo a kusema baana,+ inge aye* watwajijila mu lwitabilo, mu butemwe, mu buzhile ne kwikala na milanguluko yawama.*+