Masalamo
BUKU WA BUBIJI
Kwi ntangi. Masikila* wa baana ba kwa Kola.+
2 Nji bingi na kilaka* kya kukeba Lesa, Lesa mumi.+
Ñanyi juba jo nkeya na kwimana kwi Lesa?+
3 Mipolo yami yaaluka ke kajo kami mute ne bufuku;
Juba jonse bantu bañendeleka amba: “Lesa wobe uji pi?”+
4 Bino bintu nebivuluka, kabiji ñamba byonse biji ku mweo* wami,
Mambo kimye kimo naendelepo na jibumba;
Nebatangijilanga pa kuya ku nzubo ya Lesa,
Na nyimbo ya lusekelo ne ya lusanchilo,
Ya jibumba jiji na kijiilo.+
5 Mambo ka o napopomenwa?+
Mambo ka muchima wami o alukuchila bibye?
6 Lesa wami, amiwa* napopomenwa.+
O ene mambo o nemuvulukila,+
Ku kibunji kya Yodano ne peulu ya mutumba wa Helemone,
Ne ku Mutumba wa Mizala.*
7 Jizhiba jazhika jita jizhiba jikwabo jazhika
Pa kumvwa kupoota kwa mpoota yenu.
Manyaki enu akatampe andobesha.+
8 Mute, Yehoba ukammwesha butemwe bwanji bubula kwaluka,
Kabiji bufuku nkembanga pe aye—kulomba kwi Lesa wampa bumi.+
9 Nkambila Lesa, jibwe jami jikatampe namba:
“Mambo ka o mwamvulamina?+
Mambo ka o nafwainwa kwendela na bulanda na mambo a kummanyika ku mulwanyi wami?”+
11 Mambo ka o napopomenwa?
Mambo ka muchima wami o alukuchila bibye?