Yelemiya
10 Anweba bena Isalela, umvwai byaamba Yehoba pa bintu bikemumwekela. 2 Yehoba waamba’mba:
“Kange mufunde byubilo bya bisaka bya bantu ne,+
Kabiji kange mwakamwe na mambo a biyukilo bya mwiulu ne
Mambo bisaka bya bantu byakamwa pa kumona bino biyukilo.+
3 Mambo bisho bya mitundu ya bantu byo byatutu.
5 Bano bankishi bajitu nobe bya kuchinyako bañonyi mu bujimi bwa bibimbi, kechi bamba ne;+
Bebishikulatu, mambo kechi byenda ne.+
Kange mwibichinenga ne, mambo kechi byakonsha kwimuba kintu kyatama,
Nangwa kwimubila kintu kyawama ne.”+
6 Kafwako nangwa umo waesakana ne anweba Yehoba ne.+
Anweba yenu mwakila ne jizhina jenu jakila kabiji jiji na bulume.
7 Anweba Mfumu wa bisaka bya bantu,+ ñanyi wakonsha kubula kwimwakamwa? Mambo kino kimufwainwa.
Mambo mu bantu bonse ba maana ba mu bisaka bya bantu ne ba mu bufumu bwabo bonse,
Kafwamo nangwa umo waesakana pamo ne anweba ne.+
8 Bonse maana bafwao kabiji bakosama.+
Nkishi wa kichi wibalengela kuba bintu byatutu.*+
9 Masanyi a siliva beafumishe ku Tashishi+ ne ngolode bamufumishe ku Ufwaza,
Bintu byalengele basendwe ba bya kusongasonga ne basendwe ba byela.
Bantu bavwika bano bankishi bisapi byachiluluka ne byafituluka.
Bino byonse bebilenga ku bantu bayuka bya kulengalenga.
10 Pakuba Yehoba, kine ye Lesa.
Ye Lesa mumi+ kabiji Mfumu wa myaka ne myaka.+
Ntanda ikatenkena na mambo a bukaji bwanji,+
Kabiji kafwako bisaka bya bantu bikapuluka pa kwiya bukaji bwanji ne.
11 * Ukebabuule’mba:
“Balesa babujile kulenga jiulu ne ntanda
Bakebonauna ne kwibafumyapo pano pa ntanda ne mu lwelele.”+
12 Ye walengele ntanda na bulume bwanji,
Yenka waikajikile kyalo kwingijisha maana anji+
Kabiji watanyikile jiulu na milangwe yanji.+
Ye ulengela mvula kubesha,
Kabiji ulupula mwela mu matala anji.+
14 Muntu yense uba bintu byabula maana kabiji kwa kubula kuyuka.
Sendwe yense wa byela bakamulengesha bumvu na mambo a kulenga kipashañano kya kusonga;+
Mambo kipashañano* kyanji kya kyela kyo kyatutu,
15 Byo byatutu,* byo baseka ku bantu.+
Byo kikafika kimye kya kwibakambula, bakavila.
16 Lesa wa kwa Yakoba kechi waesakana na bano bankishi ne,
Mambo aye ye walengele bintu byonse,
Kabiji bena Isalela kyo kya buswanyi kyanji.+
Jizhina janji Yehoba wa mabumba.+
17 Shikula bipe byobe biji panshi,
Obewa mwanamukazhi ubena kupita mu bya malwa.
18 Mambo Yehoba waamba’mba:
19 Kyantamina bingi mambo nekozha!*+
Kilonda kyami kechi kipwa ne.
Kabiji naambile namba: “Kine, kino kyo kikola kyami, nafwainwatu kuchinchika.
20 Tente wami bamonauna, ne ntambo yonse ya ku tente wami beichibaula.+
Baana bami bansha nashalatu bunke.+
Kafwako nangwa umo washala wa kumpopelako tente wami nangwa kunkobekelako ntambo ku tente wami ne.
O ene mambo o babujila kuba bintu na maana,
Kabiji jitanga jabo jonse japalañenamo.”+
22 Umvwai! Sawakya ubena kwiya!
Kiwowo kikatampe kibena kufumina ku kyalo kya ku kabeta ka ku buyeke,+
Wa kwiya na konauna mizhi ya Yuda, ne kwiishatu ke mpunzha mwa kwikala balubwala.+
23 Anweba Yehoba, amiwa nayukishatu bulongo namba muntu na maana anji mwine kechi wakonsha kusala jishinda jawama kuyamo ne.
Muntu mwine kechi uji na luusa lwa kwitangijila mu jishinda jo afwainwa kuyamo ne.+
24 Anweba Yehoba, mfundai mwayila bololoke bwenu,
25 Itulwilai bukaji bwenu pa bisaka bya bantu bimulengulula+
Ne pa bisemi bibula kwita pa jizhina jenu.