Masalamo
Kwi ntangi. Salamo wa Davida. Lwimbo.
68 Lesa emane, balwanyi banji bapalañane,
Ne boba bamushikwa banyeme kwi aye.+
2 Bapalañanyai, byonkatu bwishi byo bebulelaula ku mwela;
Byonkatu bisunguluka bupula na mujilo,
Ne babi bavile byonkabyo ku meso a Lesa.+
4 Mwimbilai Lesa; imbai nyimbo ya kutota jizhina janji.+
Imbilai yewa upita mu biselebwa.*
Yehoba jo jizhina janji!+ Sekelai ku meso anji!
5 Ye shabo baana babula bashabo kabiji ye upokolola* banabakazhi bafwilwa+
Ye Lesa wikala mwanji mwazhila.+
Pakuba betota* bakekala mu kyalo mwauma.+
8 Ntanda yasunkene;+
Lesa walengejile jiulu kunokesha mvula;*
Uno mutumba wa Sinai wajikimine na mambo a Lesa, Lesa wa Isalela.+
9 Anweba Lesa mwanokeshe mvula mukatampe;
Mwakoseshe bantu* benu bakookele.
10 Baikelenga mu matente enu;+
Anweba Lesa, monka mu buwame bwenu, bayanji mwibapele bintu.
12 Bamfumu ba mazhita banyema, banyema!+
Mwanamukazhi ushala pa nzubo, bamwabilapo bipukulwa.+
13 Nangwa kya kuba anweba bantu mwalaajilenga ku mujilo,*
Mukekala nobe byapi bya nkunda byakumbana siliva,
Uji na mayona a ngolode yawamisha.*
Kine, Yehoba ukekala monkamwa myaka ne myaka.+
17 Makalaki a nkondo a Lesa aji biumbi ne biumbi.+
Yehoba waiya mu mpunzha yanji yazhila kufuma ku mutumba wa Sinai.+
Mwasendele jibumba ja bazha;
Mwasendele bantu kwikala bya bupe,+
Kine, kuvwangakotu ne boba betota,+ kuba’mba bekale mwi abo, anweba Yehoba Lesa.
19 Atotwe Yehoba, yenka usenda bisendwa byetu pa juba pa juba,+
Lesa wa kine wa lupulukilo lwetu. (Selah)
21 Kine, Lesa ukasansakanya mitwe ya balwanyi banji,
22 Yehoba waamba’mba: “Nkebabwezha kufuma ku Bashana;+
Nkebafumya mwine mwazhika mu kalunga ka mema,
23 Pa kuba’mba maulu enu akakubulenga mu mashi+
Ne njimi ya bakabwa benu ikamyangenga mashi a balwanyi.”
24 Bamona kwenda kwenu anweba Lesa,
Kwenda kwa Lesa wami, Mfumu wami, pa kuya mu mpunzha yazhila.+
25 Banyimbi batangilako kabiji bemba pa bijimba bya mizhinge balondela panyuma;+
Pakachi kabo paji bansongwakazhi babena kwimba pa minsakayi.+
27 Benjamina+ mwanyike pa bonse, wibashinda konkakwa,
Ne bitumbafumu bya mu Yuda ne jibumba jabyo juba kyungwe,
Bitumbafumu bya kwa Zebuluna ne bitumbafumu bya kwa Nafitali.
28 Lesa wenu waamba’mba mukakosa.
Anweba Lesa, mweshai bulume bwenu byonkatu byo mwitubila.+
30 Kanyai banyama ba mungye bekala mu matete,
Jibumba ja bañombe balume+ ne baana babo,
Kufikatu ne mitundu ya bantu byo ikafukama ne kuleta* siliva.
Bino aye upalañanya mitundu ya bantu yatemwa nkondo.
31 Bintu byo balenga na jibwe ja buneme bakebileta* kufuma ku Ijipita;+
Kushi ukapelawizha kupana bupe kwi Lesa.
32 Anweba bufumu bwa pano pa ntanda mwimbilai Lesa,+
Imbai nyimbo ya kutota Yehoba, (Selah)
33 Kwi aye wenda mwiulu mwine.+
Umvwai! Aye ululuma na jiwi janji, jiwi janji ja bulume.
34 Yukai bulume bwa Lesa.+
Buneme bwanji buji pa bena Isalela,
Ne bulume bwanji buji mwiulu.*
35 Lesa ulenga moyo mu nzubo yanji* yazhijisha.+
Aye ye Lesa wa Isalela,
Yenka upana bulume ne ngovu ku bantu.+
Mutotai Lesa.