Masalamo
Lwimbo wa kwa Davida.
29 Mupai Yehoba bintu byamufwainwa, anweba baana ba babilobo,
Mupai Yehoba bintu byamufwainwa na mambo a lukumo lwanji ne bulume bwanji.+
2 Mupai Yehoba lukumo lwafwainwa jizhina janji.
Mufukaminai* Yehoba mu bivwalo* byawama byazhila.
3 Jiwi ja Yehoba jumvwanyika peulu ya mema;
Lesa wa lukumo ululuma.+
Yehoba waimana peulu ya mema avula.+
4 Jiwi ja Yehoba jo ja bulume;+
Jiwi ja Yehoba jo ja lukumo.
5 Jiwi ja Yehoba jichimauna bichi bya sida;
Kine, Yehoba uchimauna bichi bya sida bya ku Lebanoni.+
7 Jiwi ja Yehoba jilupuka na lubebe lwa mujilo;+
8 Jiwi ja Yehoba jilengela kiselebwa kutenkena;+
Yehoba ulengela kiselebwa kya Kadeshi kutenkena.+
9 Jiwi ja Yehoba jilengela lupaala kuzakama ne kusema
Kabiji jilengela mungye kushalatu kwa kubula bichi.+
Ne ba mu nzubo yanji bonse bambe’mba: “Lukumo kwi Lesa!”
11 Yehoba ukapa bantu banji bulume.+
Yehoba ukapesha bantu banji kwikala mu mutende.+