Yoba
7 “Nanchi bumi bwa muntu ufwa pano pa ntanda kechi buji nobe mwingilo wakatazha nenyi?
Ne moba anji kechi aji nobe moba a wa mwingilo nenyi?+
2 Byonkatu byuba muzha, aye ukebesha kimfutele,
Kabiji byonkatu byuba wa mwingilo, eye upembelela mfweto yanji.+
3 Onkao mambo, bampa bañondo batutu
Kabiji bambajila bufuku bwayulatu na makatazho.+
4 Umvwe nalaala neshikisha’mba, ‘Nsakubuuka ñanyi kimye?’+
Bino bufuku inge bwalepa, mpabaukatu kufika ne ku makya.
6 Moba ami abena kupitatu lubilo kukila byuba mashinyi a kusonenako,+
Kabiji apwa kwa kubula kwikalapo na luketekelo.+
7 Anweba Lesa, vulukai’mba moba ami aji nobe mwela,+
Meso ami kechi akamonapo jibiji kintu kya lusekelo* ne.
8 Jiso jibena kummona lelo jino, kechi jikammonapo jibiji ne;
Meso enu akankeba, bino kechi nkekalako ne.+
11 Onkao mambo, kechi nsakuleka kwamba ne.
12 Nanchi amiwa ne kalunga ka mema nangwa kilengwa kikatampe kya mu kalunga ka mema,
Kya kuba’mba mumpe wa kunsopa nyi?
13 Inge naamba’mba, ‘Mwanya wami usakuntekenesha;
Mwanya wami usakunkepesheshako bulanda bwami,’
14 Mungubisha moyo na biloto
Ne kunchinya na bimwesho,
15 Kya kuba amiwa* nakonsha kusalapo kukepelwa mwela ne kufwa,
16 Nashikwa bumi bwami;+ kechi mbena kukeba kutwajijila kwikala na bumi ne.
Ndekai bunke bwami, mambo moba ami ajitu nobe muya.+
18 Mambo ka o mumupempwila moba onse lukelo
Ne kumweseka kimye kyonse?+
19 Nanchi kechi musakuleka kuntala
Ne kundeka bunke bwami kuba’mba mmine mate nenyi?+
20 Umvwe nalenga mambo, nakonsha kwimukozha byepi anweba musopa bantu?+
Mambo ka o mwandengela kwikala kintu kya kwasapo?
Nanchi naikala kisendwa kwi anweba nyi?
21 Mambo ka o mwabujila kundekelako mizhilulwila yami,
Ne kundekelako mambo ami?
Mambo katatakatu mfwe ne kuya ku mushiji,+
Kabiji mukakeba kummona, bino kechi nkekalako ne.”