Byambo bya Maana
2 Muntu* wabula maana a kuyuka bintu kechi wawama ne,+
Ne yewa ubula kutekanya* pa kuba bintu ulenga mambo.
3 Kukosama kwa muntu ko kutamisha jishinda janji,
Ne muchima wanji uzhingijila Yehoba.
4 Bunonshi bulengela kwikala na balunda bavula,
Bino muyanji bamunyema ne ku mulunda nanji.+
6 Bantu bavula bakeba kwibobila bibusa ku kinemanga,*
Ne bantu bonse bekala balunda na muntu upana bya bupe.
Wibapupila na kwibasashijila, bino kafwako nangwa umo umukumbula.
8 Yense wikala na maana* witemwa aye mwine.*+
Ne yense wanemeka milangwe ukamona byawama.+
9 Kamonyi wa bubela bakamukambula,
Ne yewa wambatu bya bubela ukonaika.+
10 Kechi kyamufwainwa muntu wakosama kwikala bulongo ne;
Kabiji kalume kyakilamo kubula kumufwainwa kulama babinemanga!+
12 Bukaji bwa mfumu buji nobe kubuluma kwa bokwe,+
Bino bibusa byanji biji nobe kime pa nsono.
13 Mwana wakosama uletela bashanji bya malwa,+
14 Nzubo ne bunonshi bo buswanyi bufuma ku bashabo,
Bino mukazhi wa maana ufuma kwi Yehoba.+
16 Awa ulama mikambizho ya Lesa ulama bumi* bwanji;+
Awa ubula kuta muchima ku mashinda anji ukafwa.+
19 Muntu wa kizhingijisha ukamona byatama;
Inge wamupokololako, ukabwezhangapotu.+
22 Kintu kyawama ku muntu ke butemwe bwanji bubula kwaluka;+
Kyawama kwikala muyanji kukila kwikala muntu wa bubela.
23 Kwakamwa Yehoba kutwala ku bumi;+
Ne yewa umwakamwa ukakokoloka kabiji kafwako kintu kikamukozha ne.+
24 Nkope ubika kuboko kwanji pa nsanyi,
Kabiji kechi ukeba ne kwikutwala pa kanwa kanji ne.+
25 Puma muntu wa mwenga,+ pa kuba’mba wabula maana afunjileko,+
Kabiji fundako muntu ukwatakanya bintu, pa kuba’mba ayukilepo ne bikwabo.+
26 Awa uyanjisha bashanji ne kupanga bainanji
Ye mwana ulengesha bumvu ne kulengululwa.+
27 Mwanami umvwe waleka kuteleka ku mafunde,
Ukafuma ku byambo bya maana a kuyuka bintu.