Masalamo

 2 Makumbi ne mfishi ikatampe byamuzhokoloka;+

Bololoke ne bunchibamambo kyo kitendekesho kya jitanda janji.+

 3 Mujilo utangilako kulutwe yanji+

Kabiji usoka balwanyi banji konse konse.+

 4 Kubesha kwanji kutokesha kyalo;

Ntanda imona kubesha ne kuzakama.+

 5 Mitumba isunguluka nobe bupula kwi Yehoba,+

Kwi Nkambo wa ntanda yonse.

 6 Jiulu jamba bololoke bwanji,

Ne mitundu yonse ya bantu imona lukumo lwanji.+

 7 Kibalenge bumvu bonse bapopwela kipashañano kya kusonga,+

Aba betotela mu balesa babo batutu.+

 8 Ziona waumvwa ne kusekela;+

Mizhi* ya Yuda yasangalala

Na mambo a bunchibamambo bwenu, anweba Yehoba.+

 9 Mambo anweba Yehoba, yenu Mwine Wakila pano pa ntanda ponse;

Mwatumbijikwa kukila balesa bonse.+

Aye uzhikijila bumi* bwa bantu banji ba kishinka;+

Wibapokolola mu kuboko* kwa mubi.+

11 Kyeya kyasamina baoloka+

Ne lusekelo lwaiya mu boba baoloka michima.

12 Sekelai mwi Yehoba, anweba baoloka,

Ne kutota jizhina* janji jazhila.