Byambo bya Maana
22 Kyawama kwikala na jizhina* jawama kukila bunonshi bwavula;+
Kunemekwa* kwawama kukila siliva ne ngolode.
2 Banonshi ne bayanji bepasha mu kino:*
Bonse babiji Yehoba ye wibalengele.+
3 Muntu wajimuka umona bileta malwa kabiji ufyama,
Pakuba muntu wabula maana uyatu kabiji umona bya malwa.
4 Mu kwipelula ne mu kwakamwa Yehoba
Mufuma bunonshi ne lukumo ne bumi.+
5 Mu jishinda ja muntu wa bujimbijimbi muji miba ne bitewa,
Pakuba yense wanemeka bumi* bwanji kechi ufwenya kwipi nabyo ne.+
10 Pangai muntu wa mwenga,
Ne lutobo lukapwa;
Mapata ne matuka bikapwa.
12 Meso a Yehoba alamawizha maana a kuyuka bintu,
Bino aye ulengulula byambo bya bajimbijimbi.+
13 Nkope wamba’mba: “Pangye paji bokwe!
Usakungipayila mu lubanza!”+
14 Tunwa twa banabakazhi baji na byubilo byatama* tuji nobe kimbo kyazhika.+
Awa ye bazhachisha kwi Yehoba ukaponenamo.
16 Awa ujimbaika bayanji pa kuba’mba ekale na bunonshi bwavula+
Ne yewa upa banonshi bya bupe
Bonse bakayanda.
17 Teleka ne kumvwa byamba bantu ba maana,+
Pa kuba’mba uyuke bintu byo nkufunjisha,+
18 Mambo kyawama kwibilama mu muchima wobe,+
Pa kuba’mba ukebyambenga byonse kimye kyonse.+
19 Pa kuba’mba uketekele mwi Yehoba,
Nsakukupa maana mu juba ja lelo.
20 Nanchi kechi nakunembela kala,
Bya kukujimunako ne bya kukufunjisha kuyuka bintu,
21 Pa kukufunjisha byambo bya kine kabiji bya kishinka,
Pa kuba’mba ukabwele ku yewa wakutumine na sawakya wawama nenyi?
22 Kange wibile muyanji ne, mambo aye ye muyanji,+
Kabiji kange umanyike muntu wakajilwa wikala ku kibelo kya muzhi ne,+
23 Mambo Yehoba ukebemenako mu mambo abo+
Kabiji ukonauna bumi* bwa boba bebebila.
24 Kange wendenga na muntu wa kizhingijisha
Nangwa kupwanañana na yewa uzhingilazhingila ne,
25 Pa kuba’mba ukabule kufunda byubilo byanji
26 Kange wikale pa boba beimuna mu maboko ne kulaya lulayañano,
Bonka bepana kupainako mukwabo nkongole ne.+
27 Inge ufwakyo kya kupanako,
Bakakusendela mwanya wobe!
28 Kechi wafwainwa kutuntulula mupaka wa kala
Yenka wachibile bashakulu bobe ne.+
29 Nanchi wamonapo muntu wayuka kwingila bulongo mwingilo wanji nyi?
Aye ukemana ku bamfumu;+
Kechi ukemana ku bantutu ne.