Byambo bya Maana
6 Mwanami, inge waswa kupainako mukwenu nkongole,+
Kabiji inge mwalayañana lulayañano na mwenyi,+
2 Umvwe wafwamo mu mulaye ye walayile,
Ne byambo bya mu kanwa kobe byakukwata,+
3 Pa kuba’mba wipulushe, wafwainwa kuba bino mwanami,
Mambo waponena mu maboko a mukwenu:
Yanga wipelule ne kumusashijila mukwenu ponkapotu.+
4 Kange ulaale ne,
Nangwa kuleka bikope byobe kukooka ne.
5 Ipulushe obe mwine nobe lupaala mu kuboko kwa kibinda,
Kabiji nobe kañonyi mu kuboko kwa wa busonso.
6 Obewa nkope,+ yanga ku tuzhengekene;
Umone byo twingila, ufunjileko maana.
7 Nangwa kya kuba kechi tuji na mukulumpe, na ntangi nangwa kalama ne,
8 Tunengezha kajo kato mu kimye kya kisalo,+
Kabiji tubungizha kajo kato mu kimye kya kunowa.
9 Bimye binga, obewa nkope, byo ukalaala?
Ñanyi kimye kyo ukabuuka?
10 Inge wauba’mba ndaaleko pacheche, nsendalaaleko pacheche,
Mvungeko maboko pacheche ne kukokolokako,+
11 Buyanji bukakufikilatu nobe ngivi,
Ne kukajilwa kukakufikilatu nobe muntu uji na kilwilo.+
12 Muntu mubi kabiji watutu wendaukatu na kwamba bya bujimbiijimbi;+
13 Ufyeteka jiso janji,+ upana kayukilo na kulu kwanji, ne kukebulañana na minwe yanji.
15 Onkao mambo, bya malwa bikamufikila kwa kubula kuketekela;
Mu kakimyetu kacheche bakamuchimauna kya kukankalwa kumubuka.+
16 Kuji bintu bitanu na kimo Yehoba byo ashikwa;
Kine, bintu bitanu na bibiji bya bunya kwi aye:*
17 Meso a bwitote,+ lujimi wamba bya bubela,+ ne maboko echila mashi a bantu babula mambo,+
18 Muchima ulanguluka kuba byatama,+ ne maulu anyemena kuba bubi,
19 Kamonyi wa bubela, yenka ubepa mu byonse byo amba,+
Ne yense uleta lutobo pa balongo.+
21 Wibilamenga mu muchima wobe kimye kyonse;
Wibikase mu nshingo yobe.
22 Pa kwenda, bikakutangijila;
Inge walaala, bikakuzhikijila;
Kabiji pa kubuuka, bikambanga ne obewa.*
23 Mambo mikambizho ye lampi,+
Kabiji mizhilo kyo kyeya,+
Ne mafunde a kukololako jo jishinda ja ku bumi.+
25 Kange ukomoke buya bwanji mu muchima wobe ne+
Nangwa kumuswisha amba akutwale mungi na meso anji atoka ne,
26 Na mambo a pite, mwanamulume ushalatu na shinkwa umo+
Bino mwanamukazhi wasongolwa ukeba konauna bumi* bobe bwanema.
27 Nanchi muntu wakonsha kubika mujilo pa kyaji kyanji kwa kubula kusoka bivwalo byanji nyi?+
28 Nanchi muntu wakonsha kwenda pa makala kwa kubula kupya maulu nyi?
29 Kyo kimotu na muntu ulaala na muka mukwabo;
Kafwako nangwa umo wenda nanji ye bakabula kukambula ne.+
31 Pano bino, inge bamutaana, ukabwezha bitanu na bibiji;
Ukapana bya buneme byonse bya mu nzubo yanji.+
34 Mambo mukao ulengela mulume kuzhingila;
Kechi ukoba lusa pa kushinkanya ne.+
35 Kechi ukaswa kumufweta* ne;
Kechi ukamutokesha ku muchima ne, nangwa ukamupetu bupe bwabaya byepi.