Masalamo
78 Anweba bantu bami, telekai ku mizhilo* yami;
Tai matwi enu ku byambo bya mu kanwa kami.
2 Nkamba kishimpi na kanwa kami.
Nkamba bishimpi bya kala.+
3 Bintu byo twaumvwa ne kuyuka,
Byonka bitubuujile bashakulu betu,+
4 Kechi tukebifya ku baana babo ne;
Bisemi bikeya kulutwe tukebibuula+
Mingilo yawama ya Yehoba ne bulume bwanji,+
Ne bintu bya kukumya byo auba.+
5 Wabikile kya kuvululako mwi Yakoba
Ne kupana mizhilo mu Isalela;
Wakambizhe bashakulu betu
Kuba’mba bakalondolwelenga baana babo bino bintu.+
6 Pa kuba’mba kisemi kikalondelapo,
Baana bakasemwa, bakebiyuke.+
Ne abo bakabuuleko baana babo.+
7 Kepo bano bakaketekela mwi Lesa.
8 Kabiji kechi bakekala byajinga bashakulu babo ne,
Kisemi kyakosele michima kabiji bansatuki,+
Kisemi kyabujile michima yaoloka,*+
Kabiji kyabujile bukishinka kwi Lesa.
9 Bena Efelaimu bajinga na buta bwa mukanda,
Bino babwelelemo mu juba ja nkondo.
13 Waabenye kalunga ka mema kuba’mba babuke,
Kabiji walengejile mema kwimana nobe lubumbulu.+
14 Mu kimye kya mute wibatangijilenga na jikumbi
Kabiji bufuku bonse wibatangijilenga na kyeya kya mujilo.+
15 Walajile mabwe mu kiselebwa,
Aye wibalengela kutoma mema avula nobe afuma mu kalunga ka mema.+
16 Walengejile mema kufuma mu jibwe jikatampe
Kabiji walengejile mema kupita nobe mikola.+
17 Nangwa byonkabyo, abo batwajijiletu na kumulenga mambo
Kupichila mu kusatukila Mwine Wakila mu kiselebwa;+
18 Bamwesekelenga Lesa mu michima yabo+
Kupichila mu kumulomba kajo ko bakebeshenga.*
19 Onkao mambo, bamunyinyichilenga Lesa,
Amba: “Nanchi Lesa wakonsha kwitupa kajo mu kiselebwa nyi?”+
20 Talai! Wapumine mu jibwe
Kya kuba mema apokomokele ne tukola twayujile.+
“Nanchi wakonsha ne kwitupa kajo,
Nangwa wakonsha kupa bantu banji nyama nyi?”+
21 Yehoba byo ebomvwine, wazhingijile bingi;+
Ne mujilo+ waambukijile Yakoba,
Kabiji wazhingijile Isalela+
22 Mambo kechi bajinga na lwitabilo mwi Lesa ne;+
Kechi baketekejile mu bulume bwanji bwa kwibapulusha ne.
23 Onkao mambo, wakambizhe makumbi,
Ne kushinkula bibelo bya mwiulu.
26 Waletele mwela wa ku musela kufuma mwiulu
Kabiji na bulume bwanji walengejile mwela wa ku kabeta ka ku bulenge kupuupa.+
27 Kabiji wibanokesheshe nyama nobe lukungu,
Bañonyi bajinga nobe busenga bwa ku kitulu kya kalunga ka mema.
28 Kabiji wibalengejile kuponena mukachi ka kampu wanji,
Kuzhokoloka matente anji onse.
29 Kabiji bajiile kukizhamo;
Wibapele bintu byo bakebelenga.+
Waipayile banabalume babo bakosa;+
Kabiji wavizhizhe bansongwalume bena Isalela.
32 Nangwa kyajinga bino, bamulengele mambo jikwabo+
Kabiji kechi baitabijile mu mingilo yanji ya kukumya ne.+
33 Onkao mambo, wapwishishe moba abo uba nobe muya,+
Ne kupwisha myaka yabo na bintu bya kubazhimukilatu bilenga moyo.
34 Bino byo ebepayilenga, bamukebelenga;+
Babwelelenga na kukeba Lesa,
35 Bavulukilenga’mba Lesa ye Jibwe jabo+
36 Bino bamujimbaikilenga na byambo byabo
Ne kumubepa na njimi yabo.
37 Michima yabo kechi yashinkamene pe aye ne;+
Kabiji kechi bajinga ba kishinka ku lulayañano lwanji ne.+
Javula wabwezhangamo muchima+
Kechi wakolomwene bukaji bwanji bonse ne.
39 Mambo aye wavulukilenga’mba bo bantu baji na mubiji wa nyama ne mashi,+
Mwela upupatu lubilo ne kubwela ne.*
42 Kechi bavulukile bulume* bwanji
Ne juba jo ebapokolwele* ku balwanyi babo ne,+
43 Byo amwesheshe biyukilo byanji mu Ijipita+
Ne bya kukumya byanji byo amwesheshe mu mpunzha ya Zowana,
44 Ne byo aalwile tunkololongwa twa mu Nile ke mashi+
Kya kuba bakankelwe kutoma mema a mu tukola twabo.
46 Kajo kabo wikapaine ku nzhiye yajinga na nzala ikatampe,
Ne kajo kafumine mu mingilo yabo bekajiile ku nzhiye.+
47 Waonawine miñanzañanza yabo na mvula mukatampe+
Ne bichi byabo bya mikuyu byaonaikile na mvula wa mabwe.
48 Banyama babo bo baingijishanga wibapaine ku mvula mukatampe+
Ne banyama babo ba kulela wibapaine ku tupenyi.*
49 Wibabuukijile bukaji,
Kwibazhingijila ne kwibakabisha,
Ne kutuma bamalaika kwibaletela bya malwa.
50 Wawamishishe jishinda mwa kupita bukaji bwanji.
51 Kepo aipayile babeji bonse ba mu Ijipita,+
Bonka batanshi kusemwa mu matente a kwa Hama.
52 Kepo alupwile bantu banji nobe jitanga+
Ne kwibatangijila mu kiselebwa nobe jitanga.
53 Wibatangijilenga bulongo,
Kabiji kechi baumvwinenga moyo ne;+
Kalunga ka mema kalobeshe balwanyi babo.+
54 Kabiji wibaletele mu mpunzha yanji yazhila,+
Ino mpunzha ya mitumba yo enonkejile na kuboko kwanji kwa kilujo.+
55 Wapangilemo bisaka bya bantu ku meso abo;+
Wibabenye kya buswanyi na lutambo wa kupiminako;+
Waikezhe mikoka ya Isalela mu mazubo abo.+
56 Nangwa byonkabyo, batwajijile kukatazha* Lesa Mwine Wakila, ne kumusatukila;+
Kechi bateleko muchima ku bya kuvululako byanji ne.+
57 Kabiji basendukile ne kuba bya bujimbijimbi byonka byajinga bashakulu babo.+
Bajingatu nobe buta bwa mukanda bwavwela.+
58 Batwajijile na kumuzhingijisha na mapunzha abo atuntama,+
59 Lesa waumvwine kabiji wazhingijile,+
Onkao mambo, wamukaine Isalela.
61 Walengejile kiyukilo kya bulume bwanji kuya mu buzha;
Ne kupana lukumo lwanji mu maboko a mulwanyi.+
62 Wapaine bantu banji ku mpoko+
Kabiji wazhingijile buswanyi bwanji.
63 Mujilo wasokele bansongwalume banji,
Kabiji kafwako nyimbo ya masongola yo baimbijile bisungu byanji ne.*
66 Kabiji wapangile balwanyi banji;+
Wibalengeshe bumvu bwa myaka.
67 Wakaine ba mu kisemi kya kwa Yosefwa;
Kechi wasajile mukoka wa Efelaimu ne.
69 Walengejile nzubo yanji yazhila kwikala myaka nobe jiulu,*+
Nobe ntanda yo aikajika myaka ne myaka.+