Yoba
18 Bilidada+ mwina Shua wakumbwile’mba:
2 “Ñanyi kimye kyo ukaleka kwamba byambo bya uno mutundu?
Amba bya maana pa kuba’mba ne atweba twambepo.
4 Nangwa kya kuba witabaule* mu tubipimvwa na mambo a bukaji bobe,
Nanchi ntanda po po isakwikala yatu na mambo a obewa,
Nangwa jibwe po po jisakutentuka pantu pajo nyi?
5 Kyeya kya mubi kikazhima,
Ne lubebe lwa mujilo wanji lukaleka kuteema.+
6 Kyeya kya mu tente wanji kikaluka ke mfishi,
Ne lampi umumunyikila ukazhima.
7 Ukaleka kwenda na kuzamauka,
Ne maana anji akamuponesha.+
8 Mambo maulu anji akafwa mu bukonde,
Kabiji ukendaukanga peulu ya tonge wa bukonde.
9 Kijiba kikamufipika ku kashiko;
Ne kitewa kikamukwata.+
10 Bamuta mukomba,
Ne kijiba bekita mu jishinda janji.
11 Bintu bilenga moyo byamuzakamisha konse konse+
Ne kumupangisha saka bimulondela ku maulu anji.
13 Kikoba kyanji kyasabaika;
Ne kikola kyakilamo kutama* kyaja binungwa bya mubiji wanji.
16 Mizhazhi yanji ikooma,
Ne misampi yanji ikaleela.
17 Bakaleka kumuvuluka pano pa ntanda,
Ne jizhina janji kechi jikayukanyikwa* mu mukwakwa ne.
18 Bakamufumya mu kyeya ne kumutwala mu mfishi
Ne kumupangamo mu mpunzha yawama.
19 Kechi ukekala na baana nangwa na ba mu kisemi mukachi ka bantu banji ne,
Kabiji mu mpunzha mo ekala* kafwako nangwa umo ukashalamo ne.
20 Juba ja bya malwa byanji byo jikafika, bantu ba ku Muzhika bakakumya
Ne bantu ba ku Musela nabo bakomvwa moyo.
21 Abino byo bimwekela matente a bangubabibi
Ne mpunzha ya muntu wabula kuyuka Lesa.”