Ku Bena Loma
12 Onkao mambo, anweba balongo, nemusashijila mu kifyele kya Lesa namba, mulambule mibiji+ yenu kwikala kitapisho kyumi, kyazhila,+ kyaitabilwa kwi Lesa ne kwingila mwingilo wazhila na bulume bwenu bwa kulanguluka.+ 2 Kabiji kilekai kulondela bintu bya buno bwikalo,* bino mwalulukenga kupichila mu kupimpulanga milanguluko yenu+ kuba’mba muyukenga kyaswa muchima wa Lesa, akya kyawama, kyalumbuluka kabiji kimutokesha ku muchima.+
3 Mambo mu lusa lukatampe lwa Lesa lo ammwesheshe, mbena kwambila yense uji mwi anweba namba, kange alangulukenga kukila po afwainwa kwilangulukila ne,+ poso kwikala na milanguluko yawama, monka mwayila lwitabilo Lesa lo amupa.*+ 4 Mambo byonkatu mubiji byo aji na binungwa byavula,+ bino binungwa kechi bingila mwingilo umo ne, 5 ne atweba nangwa twavula, twi mubiji umo mwi Kilishitu, bino pa muntu pa muntu, twi binungwa byakwatankana.+ 6 Byo tuji na bya bupe byapusana pusana byo betupa monka mwayila lusa lukatampe lwa Lesa lo etumwesheshe,+ umvwe kya bungauzhi, twaulenga monka mwayila lwitabilo lo betupa; 7 nangwa umvwe kya mwingilo, tutesheko muchima kumwingila; nangwa awa ufunjisha, naye atesheko muchima konka ku kufunjisha kwanji;+ 8 kabiji awa utundaikañana atesheko muchima ku kutundaikañana kwanji;+ awa upana, naye apanenga na muchima yense;+ kabiji awa ulama* bantu, naye ateshekotu muchima ku kwibalama;+ ne yewa uba lusa, naye elubenga na lusekelo.+
9 Butemwe bwenu bwikale bwabula bujimbijimbi.+ Shikwai kintu kyatama;+ kakachilai ku kintu kyawama. 10 Mu butemwe bwa kutemwa balongo, itemwainga anwe bene na bene. Ikalainga batanshi kunemeka bakwenu.+ 11 Ingilainga na ngovu* kechi kwikala bankope* ne.+ Mupashi emulengele kwikala ba mukoyo.+ Ingijilainga Yehoba.*+ 12 Sekelai mu luketekelo. Chinchikai mu bya malwa.+ Lombainga na mukoyo.+ 13 Saka mupapo bazhijikwa bintu byo bakajilwa.+ Ikalai na muchima wa kutambwila benyi.+ 14 Peshainga boba bemumanyika.+ Peshaingatu kange mufingañanenga ne.+ 15 Sekelainga pamo na boba basekela; jijilainga pamo na boba bajila. 16 Monainga bakwenu byonka byo mwimona anwe bene; kange mutenga muchima pa bintu bikatampe* ne, bino tangijilwainga na bintu bimweka kubula kunema.+ Kange mwimonenga anwe bene amba mwi ba maana ne.+
17 Kange mushinkanyenga kibi na kibi ku muntu nangwa umo ne.+ Ubainga bintu bantu bonse byo bamona’mba byawama. 18 Umvwe kyakonsheka, monka mwayila bulume bwenu, ikalainga mu mutende na bantu bonse.+ 19 Anweba batemwe, kange mushinkanyenga ne, bino bukaji* bushilai mpunzha;+ mambo kyanembwa’mba: “‘Kushinkanya ko kwami; Amiwa nkashinkanya nabo,’ byo byaamba Yehoba.”*+ 20 Bino “umvwe mulwanyi wenu wafwa nzala, mupepoi bya kuja; umvwe wafwa kilaka, mupepoi bya kutoma; mambo pa kuba bino mwauba nobe mwabika makala pa mutwe wanji.”*+ 21 Kange muleke bubi bwimushindenga ne, bino shindainga bubi na byawama.+