Masalamo
Kwi ntangi; kwimba na bijimba bya mizhinge. Lwimbo wa kwa Davida.
4 Umvwe naita, mungitabe, anweba Lesa wami waoloka.+
Ndengelai jishinda ja kufuminamo* mu bya malwa byami.
Ngubila bibusa ne kumvwa lulombelo lwami.
2 Anweba bantu, bimye binga byo mukalulanga lukumo lwami kwikala ke bumvu?
Bimye binga byo mukatemwa bintu byatutu ne kukebakeba bintu bya bubela? (Selah)
3 Yukai’mba Yehoba ukalama bulongo* muntu wanji wa kishinka;
Yehoba ukañumvwa byo nkamwita.
4 Umvwe mwazhingila, kange mulenge mambo ne.+
Ambilaingatu mu muchima, ponka pa mwanya wenu ne kuzhindamatu. (Selah)
5 Tapishainga bitapisho mu bololoke,
Ne kuketekela mwi Yehoba.+
6 Kuji bavula babena kwamba’mba: “Ñanyi usakwitulengela kumona bintu byawama?”
Anweba Yehoba, tusamishishai kyeya kya mu kilungi kyenu.+
7 Mwayuzha muchima wami na lusekelo lukatampe
Kukila boba banowa kajo kavula ne baji na binyu bya katataka.