Masalamo

107 Musanchilai Yehoba, mambo wawama;+

Butemwe bwanji bubula kwaluka bo bwa myaka ne myaka.+

 2 Aba bo bakuula* kwi Yehoba bambe kino,

Aba bo apokolwele mu kuboko* kwa mulwanyi,+

 3 Bonka bo akonkenye pamo kufuma mu byalo,+

Kufuma ku musela ne ku muzhika,*

Kufuma ku kabeta ka ku buyeke ne ku kabeta ka ku bulenge.+

 4 Bapitañenenga mungye, mu kiselebwa;

Kechi bataaine jishinda jaya ku muzhi ye bafwainwe kwikalamo ne.

 5 Bafwile nzala ne kilaka;

Bapungijile* na mambo a kukooka.

 6 Batwajijile kumujijila Yehoba byo bapichilenga mu bya malwa;+

Ne aye wibapokolwele mu kumanama kwabo.+

 7 Wibalengejile kwenda mu jishinda jaoloka+

Kuba’mba bafike mu muzhi ye bafwainwe kwikalamo.+

 8 Bantu bamusanchile Yehoba+ na mambo a butemwe bwanji bubula kwaluka

Ne na mambo a mingilo yanji ya kukumya yo aubila baana ba bantu.+

 9 Mambo aye watomesha mema aba bafwa kilaka

Ne kujiisha aba bafwa nzala* na bintu byawama.+

10 Bamo baikelenga mu mfishi ikatampe,

Bakaili bamanaminenga kabiji bajinga mu minyololo.

11 Mambo abo balengulwile byambo bya Lesa;

Kechi bateleko maana ku mafunde a Mwine Wakila ne.+

12 Onkao mambo, walengejile michima yabo kwipelula na mambo a makatazho o bapichilemo;+

Betuntwile kabiji kechi kwajinga nangwa umo wa kwibakwasha ne.

13 Bamwichile Yehoba amba ebakwashe byo bapichilenga mu bya malwa;

Ne aye wibapokolwele mu kumanama kwabo.

14 Wibafumishemo mu mfishi ikatampe,

Ne kuchibaula nshimbi yo bebakashile.+

15 Bantu bamusanchile Yehoba na mambo a butemwe bwanji bubula kwaluka+

Ne na mambo a mingilo yanji ya kukumya yo aubila baana ba bantu.

16 Mambo wachimauna binzhilo bya mukuba

Ne kuchibaula mipingilo ya kyela kya kapotwe.+

17 Bakosamine kabiji bamanamine+

Na mambo a mizhilulwila yabo ne bubi bwabo.+

18 Kijiika kya* kajo konse kyapwile;

Bajingatu pepi na bibelo bya lufu.

19 Bamwichilenga Yehoba amba ebakwashe byo bapichilenga mu bya malwa;

Ne aye wibapokolwelenga mu kumanama kwabo.

20 Watumanga byambo byanji ne kwibabuka+

Kabiji wibatuntwilemo mu bimbo mo baponejile.

21 Bantu bamusanchile Yehoba na mambo a butemwe bwanji bubula kwaluka

Ne na mambo a mingilo yanji ya kukumya yo aubila baana ba bantu.

22 Batapishe bitapisho bya kusanta+

Ne kwamba na lusekelo pa mingilo yanji.

23 Aba benda na maato pa kalunga ka mema,

Bonka boba busulu pa mema avula,+

24 Bamona mingilo ya Yehoba

Ne mingilo yanji ya kukumya iji mwazhika;+

25 Ne bimana luvula pa kumvwa jiwi janji,+

Ne kwimanya manyaki pa kalunga ka mema.

26 Emana kuya mwiulu;

Ne kwipuma panshi.

27 Batelengela ne kubalankanta nobe muntu wapendwa,

Ne maana abo onse ekala atutu.+

28 Onkao mambo, bamujijila Yehoba byo bapita mu bya malwa,+

Ne aye wibapokolola mu kumanama kwabo.

29 Ukanya luvula;

Ne manyaki a pa kalunga ka mema azhindama.+

30 Basekela inge bino bintu byazhindama,

Kabiji wibatangijila ku kiito ko bakeba kuya.

31 Bantu bamusanchile Yehoba na mambo a butemwe bwanji bubula kwaluka

Ne na mambo a mingilo yanji ya kukumya yo aubila baana ba bantu.+

32 Bamutumbijike mu kipwilo kya bantu,+

Kabiji bamutote mu jibumba* ja bakulumpe.

33 Aye walula mikola kwikala ke biselebwa

Ne masulo a mema ke mushiji wauma,+

34 Kyalo kiji na mushiji wafuka ke kisanzangala kya mukele,+

Na mambo a bubi bwa boba bekalamo.

35 Walula kiselebwa ke bizhiba bya mema,

Ne mushiji wauma ke masulo a mema.+

36 Amwa mo mo ekazha bantu bafwa nzala,+

Pa kuba’mba bashimike muzhi ye bafwainwa kwikalamo.+

37 Babyala nkunwa mu majimi ne kujimba miñanzañanza+

Monka mufuma kajo kavula.+

38 Aye wibapesha kabiji bavula bingi;

Kechi uswisha bañombe babo kukepa ne.+

39 Nangwa byonkabyo, bakepa jikwabo kabiji bapelulwa

Na mambo a kumanama, bya malwa ne bulanda.

40 Ulengela babinemanga kwibalengulula

Ne kwibalengela kwikalatu bakapitemo mu biselebwa mwabula mashinda.+

41 Bino aye uzhikijila* muyanji ku lumanamo+

Kabiji ulengela bisemi byabo kuvula nobe jitanga.

42 Baoloka bamona kino ne kusekela;+

Pakuba bonse babula koloka bazhindamatu nzoo.+

43 Yense uji na maana ukomvwina bino bintu+

Kabiji ukalangulukishapo pa mingilo ya Yehoba ya butemwe bubula kwaluka.+