Masalamo
2 Musanchilai Lesa wakila balesa bonse,+
Mambo butemwe bwanji bubula kwaluka bo bwa myaka ne myaka.
3 Musanchilai Nkambo wa bankambo,
Mambo butemwe bwanji bubula kwaluka bo bwa myaka ne myaka.
4 Aye bunke bwanji uba bintu bikatampe bya kukumya,+
Mambo butemwe bwanji bubula kwaluka bo bwa myaka ne myaka.+
6 Watandubwijile ntanda peulu ya mema,+
Mambo butemwe bwanji bubula kwaluka bo bwa myaka ne myaka.
7 Walengele byeya bikatampe,+
Mambo butemwe bwanji bubula kwaluka bo bwa myaka ne myaka,
8 Juba ja kulama mute,+
Mambo butemwe bwanji bubula kwaluka bo bwa myaka ne myaka,
9 Ñondo ne tubangabanga bya kulama bufuku,+
Mambo butemwe bwanji bubula kwaluka bo bwa myaka ne myaka.
10 Waipayile babeji ba mu Ijipita,+
Mambo butemwe bwanji bubula kwaluka bo bwa myaka ne myaka.
11 Wafumishe bena Isalela mukachi kabo,+
Mambo butemwe bwanji bubula kwaluka bo bwa myaka ne myaka,
12 Na kuboko kwanji kwa bulume+ kabiji kwakosa,
Mambo butemwe bwanji bubula kwaluka bo bwa myaka ne myaka.
13 Waabenye Kalunga ka Mema Kachila pakachi,*+
Mambo butemwe bwanji bubula kwaluka bo bwa myaka ne myaka.
14 Walengejile bena Isalela kupita pakachi,+
Mambo butemwe bwanji bubula kwaluka bo bwa myaka ne myaka.
15 Walobeshe Felo ne nzhita yanji mu Kalunga ka Mema Kachila,+
Mambo butemwe bwanji bubula kwaluka bo bwa myaka ne myaka.
16 Watangijilenga bantu banji mu kiselebwa,+
Mambo butemwe bwanji bubula kwaluka bo bwa myaka ne myaka.
17 Watapile bamfumu bakatampe,+
Mambo butemwe bwanji bubula kwaluka bo bwa myaka ne myaka.
18 Waipayile bamfumu bakosa,
Mambo butemwe bwanji bubula kwaluka bo bwa myaka ne myaka,
19 Sihona+ mfumu wa bena Amoli,
Mambo butemwe bwanji bubula kwaluka bo bwa myaka ne myaka,
20 Ne Oga+ mfumu wa Bashana,
Mambo butemwe bwanji bubula kwaluka bo bwa myaka ne myaka.
21 Wapaine kyalo kyabo kwikala ke buswanyi,+
Mambo butemwe bwanji bubula kwaluka bo bwa myaka ne myaka,
22 Buswanyi bwa Isalela kalume wanji,
Mambo butemwe bwanji bubula kwaluka bo bwa myaka ne myaka.
24 Witupokolwelenga ku balwanyi betu,+
Mambo butemwe bwanji bubula kwaluka bo bwa myaka ne myaka.
25 Upana kajo ku bilengwa byonse byumi,+
Mambo butemwe bwanji bubula kwaluka bo bwa myaka ne myaka.
26 Musanchilai Lesa wa mwiulu,
Mambo butemwe bwanji bubula kwaluka bo bwa myaka ne myaka.