Masalamo
118 Musanchilai Yehoba, mambo wawama;+
Butemwe bwanji bubula kwaluka bo bwa myaka ne myaka.
2 Isalela ambe’mba:
“Butemwe bwanji bubula kwaluka bo bwa myaka ne myaka.”
3 Ba mu nzubo ya kwa Alona bambe’mba:
“Butemwe bwanji bubula kwaluka bo bwa myaka ne myaka.”
4 Aba bakamwa Yehoba bambe’mba:
“Butemwe bwanji bubula kwaluka bo bwa myaka ne myaka.”
5 Naichile Yehoba byo napichilenga mu bya malwa;
6 Yehoba uji ne amiwa; kechi nkachina ne.+
Muntu angube ka?+
8 Kyawama kufyama mwi Yehoba
Kukila kuketekela mu bantu.+
9 Kyawama kufyama mwi Yehoba
Kukila kuketekela mu babinemanga.+
11 Banzhokolokele, kine banzholokokeletu konse konse,
Bino mu jizhina ja Yehoba,
Mo mo nebapangijile.
12 Bambumbile nobe nyuki,
Bino bazhimine bukiji nobe mujilo ubena kuteema mu kipupu kya miba.
Mu jizhina ja Yehoba,
Mo mo nebapangijile.+
13 Banshinjikile* na bulume amba mpone,
Bino Yehoba wankwashishe.
14 Yehoba kyo kya kwikalamo kyami kabiji bo bulume bwami,
Kabiji ye lupulukilo lwami.+
15 Jiwi ja lusekelo ne ja lupulukilo*
Jiji mu matente a baoloka.
Kuboko kwa Yehoba kwa kilujo kubena kumwesha bulume bwako.+
16 Kuboko kwa Yehoba kwa kilujo kubena kwitumbijika;
Kuboko kwa Yehoba kwa kilujo kubena kumwesha bulume bwako.+
17 Kechi nkafwa ne, bino nkekala na bumi,
Pa kuba’mba nkambenga pa mingilo ya kwa Yehoba.+
19 Nshinkwilai bibelo bya bololoke;+
Nsakutwelamo ne kutota Yehoba.
20 Kino kyo kibelo kya Yehoba.
Baoloka mo bakatwelela.+
21 Nkemutota, mambo mwankumbwile+
Kabiji mwaikele lupulukilo lwami.
24 Jino jo juba ja Yehoba;
Tusakusekela ne kusangalala mu jino juba.
25 Twapopwela anweba Yehoba, tupulushai!
Anweba Yehoba, kine tulengelai kushinda!
27 Yehoba ye Lesa;
Witupa kyeya.+
Inungai ku babena kuya ku kijiilo baji na misampi mu maboko,+
Kukafika ne ku nsengo ya ku kya kusokelapo bitapisho.+
28 Yenu Lesa wami kabiji nkemutotanga;
Lesa wami, nkemutumbijikanga.+