Masalamo
Lwimbo wa kuzhijikilamo nzubo. Salamo wa Davida.
30 Nkemutumbijika anweba Yehoba, mambo mwañimika;
Kechi mwalekele balwanyi bami kusekela pe amiwa ne.+
2 Anweba Yehoba Lesa wami, nemujijiile namba munkwashe, kabiji mwambukile.+
3 Anweba Yehoba, mwamfumishe ku Kilende.+
Mwandamine na bumi; mwanzhikijile kuba’mba mbule kuponena mu kimbo.+
4 Anweba ba kishinka banji, mwimbilai Yehoba nyimbo ya kumutota,+
Totai jizhina janji jazhila;+
5 Mambo bukaji bwanji bo bwa kakimyetu kacheche,+
Bino bibusa byanji byo bya moba onse.+
Mabanga kwakonsha kwikala kujila, bino lukelo, kwikala kusangalala.+
6 Byo nabujile makatazho, naambile namba:
“Kechi nkasunkenapo ne.”
7 Anweba Yehoba, byo mwangubijile bibusa, mwandengejile kukosatu nobe mutumba.+
Bino byo mwafile kilungi kyenu, naubile moyo.+
8 Najijiilenga kwi anweba Yehoba;+
Kabiji namusashijilenga Yehoba namba angubile lusa.
9 Ñanyi buwame bukafuma mu lufu* lwami, inge natwela mu kimbo?*+
Nanchi lukungu lukemutota nyi?+ Abya lukamba pa bukishinka bwenu nyi?+
10 Anweba Yehoba, ñumvwai ne kungubila lusa.+
Anweba Yehoba, nkwashai.+
11 Mwandengela kuzha na lusekelo kechi kujila ne;
Mwamvuula kisapi kyami kya majila, ne kumvwika lusekelo,
12 Pa kuba’mba amiwa* ñimbe nyimbo ya kwimutota kwa kubula kuzhindamapo.
Anweba Yehoba Lesa wami, nkemutotanga myaka ne myaka.