Musapwishi
1 Abino byo byambo byaamba musapwishi,*+ mwana Davida wajinga mfumu mu Yelusalema.+
3 Ñanyi kintu muntu kyo amwenamo mu mingilo yanji yonse yakosa
Yo engila na ngovu pano pa ntanda?+
6 Luvula upupa kufuma ku kabeta ka ku bulenge kuya ku kabeta ka ku buyeke;
Utwajijilatu na kuzhokoloka, ne kwalauka alauka kikupu.
7 Mikola* yonse itwala mema mu kalunga ka mema, pano bino kechi kayula ne.+
Mema abwela mu mikola ne kupita jibiji kuya mu kalunga ka mema.+
8 Bintu byonse byakatazha;
Kafwako muntu nangwa umo wakonsha kwibilumbulula ne.
Jiso kechi jitondwa na bintu byo jimona ne;
Nangwatu kutwi nako kechi kutondwa na bintu byo kumvwa ne.
9 Bintu bijipo byo bikekalapo,
Kabiji bintu byamwekele kala byo bikamweka ne jikwabo;
Kafwapo kintu kya katataka pano pa ntanda ne.+
10 Abya pajipo kintu muntu kyo akonsha kwamba’mba, “Akitalai kino, nanchi kechi kya katataka nenyi”?
Kufumatu ne kala kyajingako;
Kyajingako, atweba saka tukyangye kwikalako.
11 Kafwako muntu nangwa umo wafwainwa kuvuluka bantu bajingako bo abujile kumonapo kala ne;
Kabiji kafwako nangwatu umo ukavuluka bakalondelapo ne;
Nangwatu abo, kechi bakebavuluka ku boba bakeya panyuma yabo ne.+
12 Amiwa musapwishi najinga mfumu wa bena Isalela mu Yelusalema.+ 13 Nakebeshe bingi kufunda ne kuyuka bintu+ byubiwa pano pa ntanda,+ ko kuba’mba mingilo yakatazha Lesa yo apa bantu ibalengela kupayankana.
15 Kintu kyakonkomana kechi bakonsha kwikyolola ne,
Ne kintu kyabulapo kechi bakonsha kwikibala ne.
16 Kepo naambile mu muchima namba: “Umvwai! Amiwa nataana maana avula kukila muntu yense wajingako amiwa saka nkyangye kwikalako mu Yelusalema,+ kabiji naikele bingi na maana ne kuyuka bintu byavula.”+ 17 Nakebeshe bingi kuyuka maana, bukonye* ne kukosama byo kuji,+ bino napulwijilemotu mabuula.
18 Kukebesha kwikala na maana kuleta bingi bijikila,
Mambo yense ukebesha kwikala na maana wiletelatu bya bulanda byavula.+