Masalamo
104 Lekai amiwa* ntote Yehoba.+
Anweba Yehoba Lesa wami, yenu mukatampe.+
Mwavwala buneme ne lukumo.+
3 Utanchika myamba ya bibamba byanji pa mema* a mwiulu,+
Waalula makumbi ke kalaki wanji,+
Ne kwendela pa byapi bya luvula.+
4 Walengela bamalaika banji kwikala mipashi,
Ne kulengela ba mingilo banji kwikala mujilo usokañana.+
6 Mwiivwetele na mema nobe kivwalo.+
Mema apitayijile peulu ya mitumba.
7 Byo mwiakajipijile anyemene;+
Byo aumvwine kululuma kwenu anyemene na mambo a moyo
8 —Mitumba yatuntukile+ ne bimpachiko byakulukijile—
Ku mpunzha ko mwibitongwejile.
9 Mwabikile mupaka kuba’mba abule kupitailapo,+
Pa kuba’mba akabule kulobesha ntanda jibiji.
10 Aye utwala masulo a mema mu bimpachiko;
Saka apita pakachi ka mitumba.
11 Apana mema ku banyama bonse ba mungye;
Bambongolo ba mungye batoma ne kupwisha kilaka kyabo.
12 Bañonyi balenga binsa byabo kwipi na mema;
Bemba saka baji mu misampi yafunkama.
13 Aye utekezha mitumba saka aji mu bibamba byanji bya mwiulu.+
Ntanda yakumbana bipangwa bya mingilo yenu.+
14 Umenesha nsono ya kuja bañombe
Ne bijimwa bya kuja bantu,+
Kuba’mba bajime kajo mu mushiji
15 Ne binyu bilengela muchima wa muntu kusangalala,+
Ne manyi alengela kilungi kumweka bulongo,
Ne kajo kakosesha muchima wa muntu ufwa.+
16 Bichi bya Yehoba biji na mema avula,
Bichi bya sida bya ku Lebanoni byo ajimbile,
17 Bañonyi koko balengela binsa byabo.
Ñendabwala+ ilaala ku bichi bya yunipa.
19 Walengela ñondo kuba’mba abanyenga bimye byatongolwa;
Juba jayuka bulongo kimye kya kuzhikilapo.+
20 Muleta mfishi, kabiji bwila,+
Kimye banyama bonse ba mungye kyo bapitañana.
22 Pa kusela juba,
Babwela na kulaala mu mayengo abo.
23 Muntu uya ku mingilo yanji,
Kabiji wingila kufikatu ne mabanga.
24 Anweba Yehoba, mingilo yenu byo yavulapo!+
Yonse mwiilenga na maana.+
Ntanda yakumbana na bintu byo mwalenga.
25 Kuji kalunga ka mema kabaya bingi,
Kayula na bilengwa byumi bya kukankalwa kubala, bicheche ne bikatampe.+
27 Abino byonse bimupembelela
Amba mwibipe kajo kabyo mu kimye kyafwainwa.+
28 Bibungizha bintu byo mwibipa.+
Inge mwavungulula kuboko kwenu, bikuta bintu byawama.+
29 Inge mwafya kilungi kyenu, byakamwa.
Inge mwaangata mupashi wabyo, bifwa ne kubwela ku lukungu.+
30 Inge mwatuma mupashi wenu, abyo bilengwa,+
Kabiji mulengela mushiji kwikala ke mupya.
31 Lukumo lwa Yehoba lukekala myaka ne myaka.
Yehoba ukasangalela mu mingilo yanji.+
32 Inge watala pa ntanda, izakama;
Inge wakwata pa mitumba, ifutumuka bwishi.+
33 Nkamwimbilanga Yehoba+ mu bwikalo bwami bonse;
Nkembanga nyimbo ya kutota Lesa wami moba onse a bumi bwami.+
34 Milanguluko yami imutokele ku muchima.*
Nkasangalelanga mwi Yehoba.
35 Bandengamambo bakavila pano pa ntanda,
Ne babi kechi bakekalako jibiji ne.+