Ilemenai Bumi Pano Pantanda Myaka Yonse!

Kano kabuku kanembelwa kwi mukwasha kuyuka aye walengele ntanda ne bintu byonse bijipo. Musakufunda’mba Lesa, yenka wa lengele ntanda, uji na jizhina. Kabiji muno tusa kulondolola aye Lesa kyo a lengejile muntu ne byo mwakonsha kwilemena bumi panopantanda myaka ne myaka.

Twa ketekela namba bipikichala byavula bisa kukemukwasha kumvwisha bino bintu. Pa kuba’mba mutane bunonshi bwabaya, mwafwainwa kubelenga binembelo bya Baibolo abyo bya nembwa kunsa ya kipikichala kimo kimo. Mu jojo jishinda, musa kukebelengela anwebene malayo amo awama akwa Lesa aji mu Baibolo ne Lesa byo amba mba mube pa kutambwila kufikizhiwa kwa ano malayo.

Mwakonsha kabiji kusebezhesha kano kabuku ku kwashako bantu bakwabo. Inge muji na bana, mwakonsha kwikasebezhesha kwi bakwasha kuba’mba basambijile pa lwa kwa Lesa. Inge mwikala mu kyalo amo bakulumpe bavula baluba kubelenga, mwakonsha kusebezhesha bipikichala kwi bakwasha kumvwisha kufukula kwa kwa Lesa pa kuba nabo, nabo kabiji, bakwashe ne bakwabo.

Twaketela mu bukishinka kuba’mba kusambijila ano mawi ku kashinkula jishinda ko muji kutambula mapesho avula, nangwatu kumwesha bakwabo bya kwikala bomi myaka yonse pano pa ntanda.