Byambo Bitanshi

LESA WABULUME BONSE ye Nkambo wabilengwa byonse. Onkao mambo, pakuba’mba tumone bumi lelo jino, nebobwa bukeya kulutwe, twafwainwa kukinka manungo mwiaye. Uji nabulume bwakufweta bantu nebulume bwakwibavizha. Uji nabulume bwakupana bumi nebwakwibwangata. Umvwe twaikala bantu baitabilwa kwiaye uketulama; inge nekwitabilwane, tukamona malwa. Byokyanemapo nanchi kuba’mba mpopwelo yetu ikale yaitabilwa kwiaye!

Bantu bapopwela mumashinda avula bingi. Umvwe bupopweshi buji nobe jishinda, abya mashinda onse akupopwelamo aitabilwa kwi Lesa nyi? Ine kechi onsene. Yesu, ngauzhi wa Lesa, walumbulwile kuba’mba kujitu mashinda abiji kwapwa. Waambile’mba: ‘Kibelo kyabaya ne jishinda japela kwendamo biya ku lonaiko, ne batwelamo bo bavula. Mambo kibelo kyakepa ne jishinda jakatazha biya ku bumi, kabiji bejimona bo bacheche.’—Mateo 7:13, 14.

Kujitu mitundu ibiji yabupopweshi: bumo butwala kubumi, bukwabo kulonaiko. Uno buloshuwa wanembelwa anweba kwimukwasha kutana jishinda jaya kubumi bwamyaka.