Lusa
Ñanyi byubilo bikwabo bimwesha muntu uji na lusa?
Mashimikila a mu Baibolo:
Sl 51:1, 2—Mfumu Davida byo asashijile Yehoba kumubila lusa, walombelenga kumulekelako mambo ne kumutokesha ku mambo nji
Luk 10:29-37—Yesu walumbulwile mwatala kubila muntu lusa byo aambile pa mwina Samaliya wamwesheshe lusa ne kulangulukilako Muyudea
Mambo ka atweba bonse o tukebela kwitubila lusa?
Kabiji monai 1Mf 8:46-50
Twayuka byepi amba Yehoba wa lusa?
Lup 34:6; Neh 9:17; Sl 103:8; 2Ko 1:3
Mashimikila a mu Baibolo:
Yob 42:1, 2, 6-10; Ya 5:11—Yehoba waubijile lusa Yoba ne kumufunjisha kwikala na lusa
Luk 15:11-32—Yesu walumbulwile biji lusa lwa Yehoba byo aambile pe nsemi wa mulume byo aubijile lusa mwananji wasatukile kabiji walapijile
Mambo ka Yehoba o etubila lusa?
Kabiji monai Tit 3:4, 5
Kitapisho kya Kilishitu kitukwasha byepi pa kuba’mba Lesa etulekeleko mambo?
Mambo ka o twafwainwa kulombanga kwi Lesa kwitubila lusa ne kumusanchilanga kimye kyonse?
Mashimikila a mu Baibolo:
Sl 51:1-4—Mfumu Davida wizhachishe bingi pa mambo o alengele kabiji wipelwile ne kulomba kwi Yehoba kumubila lusa
Luk 18:9-14—Yesu waingijishe kishimpi kwitukwasha kuyuka’mba Yehoba ubila lusa bantu bepelula kabiji baswa’mba balenga mambo
Mambo ka bantu balenga mambo akatampe o bafwainwa kuketekela’mba Yehoba wakonsha kwibalekelako mambo?
Mashimikila a mu Baibolo:
2Mo 33:9-13, 15—Manase wajinga mfumu watamine bingi. Bino walapijile ne kulomba kwi Lesa kumubila lusa. Byo bamulekejileko mambo, waikele jibiji mfumu kabiji bintu byo aubilenga byamwesheshe’mba kine walapijile
Yon 3:4-10—Bena Ninevwa bakanamine bingi kabiji baipayile bantu bavula bingi. Nangwa bakanamine, balapijile kabiji Lesa wibalekejileko mambo abo
Mambo ka o kyawamina kusolola mambo etu kwi Yehoba ne kupimpula byubilo byetu?
Lusa lwa Yehoba lo etumwesha kechi lwituzhikijila ku kwitukambula nangwa ku bintu bifuma mu bintu byonse byatama byo tuba ne
Mambo ka o twafwainwa kubilanga lusa bakwetu?
Bulunda bwetu ne Yehoba bukekala byepi inge ke tubule kubila lusa bakwetu?
Kabiji monai Man 21:13
Mashimikila a mu Baibolo:
Mat 18:23-35—Yesu waingijishe kishimpi kulumbulula’mba inge twabula kubila lusa bakwetu, ne atweba Yehoba kechi uketubila lusa ne
Luk 10:29-37—Yesu waingijishe kishimpi kya mwina Samaliya wamwesheshe lusa, kulumbulula’mba aye ne Yehoba kechi batemwa bantu babula kubila lusa bakwabo ne