Kupopwela
Ñanyi ye twafwainwatu kupopwelanga?
Lup 34:14; Mpi 5:8-10; Is 42:8
Mashimikila a mu Baibolo:
Mat 4:8-10—Satana waambijile Yesu amba usakumupa bufumu bonse bwa pano pa ntanda inge amupopwele. Bino Yesu wakaine ne kwamba’mba aye wafwainwatu kupopwela Yehoba yenka kwapwa
Lum 19:9, 10—Malaika wakainye mutumwa Yoano kumupopwela
Nanchi Yehoba ukeba’mba tumupopwelenga byepi?
Mashimikila a mu Baibolo:
Is 1:10-17—Yehoba ukana bonse bamba’mba babena kumupopwela bino saka babula kulondela mikambizho yanji
Mat 15:1-11—Byambo byaambile Yesu byamwesha’mba Yehoba kechi ukeba’mba mpopwelo yetu imene pa bisho bya bantu ne. Bino yafwainwa kwimena pa mizhilo ya Lesa
Bañanyi bo twafwainwa kupwanañananga nabo kimye kyonse pa kupopwela Yehoba?
Kabiji monai Sl 133:1-3
Mashimikila a mu Baibolo:
By 2:40-42—Bena Kilishitu batanshi bapwilanga pamo na kulomba, kwikala pamo na kufunda bukine bwa mu Binembelo bwanembelwe na lutangijilo lwa mupashi wazhila
1Ko 14:26-40—Mutumwa Paulo wakambizhe’mba kupwila kwafwainwa kunengezhiwa bulongo ne kutundaikañana pa kuba’mba bonse bafunde ne kumvwisha byo babena kufunjisha
Ñanyi kintu kyo twafwainwa kuba pa kuba’mba Yehoba aswe mpopwelo yetu?
Mashimikila a mu Baibolo:
Heb 11:6—Mutumwa Paulo waambile’mba twafwainwa kwikala na lwitabilo pa kuba’mba tupopwelenga Yehoba bulongo
Ya 2:14-17, 24-26—Nkasanji Yesu aye Yakoba walumbulwile’mba lwitabilo lwetu lwafwainwa kwendelanga pamo na mingilo. Lwitabilo lo lwitulengela kwingila