Mukwekele wa Kupwisha Buyanji—Wakonsha Kupwa Nyi?

BANTU bafwakesha United Nations mu Muzhi wa New York bamona Kibamba mukonkena Kije na kwisamba pa bya Bukomo ne bya Bwikalo, kiji na mipaipi yashalatu patoka mu palavu uji pafikila bantu. Utangijila bantu na kwibamwesha mpunza ulumbulula amba: “Awe palavu ye mubena kumona wabula kupwa, umwesha kuba’mba mwingilo wa United Nations wa kuleta bukomo ne bwikalo bwawama kechi upwa ne; kimye kyonse yubapo kimo kya kuwamisha bwikalo bwa bantu pano pa ntanda.”

Nangwa kya kuba Kije kyeseka mashinda onse a kutundaika bwikalo bwawama ku bonse, kibena kumweka nobe uno mukwekele kechi ukapwa ne. Kya lusekelo, kimye Yesu Kilishitu kyo aingijilenga mwingilo wanji pano pa ntanda mu myaka kitota kitanshi C.E., waambile amba: “Mupashi wa Nkambo uji pe amiwa, Mambo wanshinga manyi amba, Usapwile mambo awama ku balanda.” (Luka 4:18) Ñanyi “mambo awama” o asapwijile? Ajinga a Bufumu boaikajika na Yesu Kilishitu Mfumu a kuba’mba Yehoba Lesa waikala ke “nsakwa yakosa ku balanda . . . ku bayanji mu kukajilwa kwabo.” Buno bufumu bukobapo ka? Isaya waawile amba: ‘Yehoba wa mabumba ukebatekela bantu bonse kijiilo kya byanuna, kyo kijiilo kya binyu byawama, kya bintu byanuna mwayula mikolokofwa, kya binyu byawama byo basusa bulongo. Kabiji mu ye uno mutumba ukafumya mishipwa ku mitundu yonse ya bantu, akya kyo bavwala pa kujila mu mikoka yonse ya bantu.’—Isaya 25:4-6, 8.

Abya mwakonsha kutemwa kuyukilako byavula pa mambo a Bufumu bwa Lesa ‘bukawamisha bwikalo bwa bantu pano pa ntanda,’ kya kuba’mba kechi kukekala kukajilwa jibiji nenyi? Tangai panshi po ne kuyuka byo mwakonsha kwikala na mufunjishi wafwainwa kwimufwakashisha ne kwimumwesha byavula pa kino mu Baibolo.