Bayuka Jizhina ja Lesa mu Central Africa

BANTU bavula mu Central Africa baitabila’mba Lesa koaji. Kabiji bayukishatu’mba ye Mulenga wabintu byonse. (Lumwekesho 4: 11) Pano bino, byonkatu byuba bantu bavula kumapunzha akwabo, javula kechi banemeka jizhina janji ja Yehoba ne.

Bantu mu Central Africa ne kumapunzha akwabo mwaya ntanda, bavulukila jizhina ja Lesa ku Lulombelo lwa Nkambo’mba: “Jizhina jenu jizhile.” (Mateo 6:9) Pakimye kyabaya, bantutu bacheche bobayukile jino jizhina. Nangwa byonkabyo pamyaka yavula, Bakamonyi bakwa Yehoba bakwasha bantu kuyuka jizhina ja Lesa kupichila mumwingilo wabo wa busapwishi. Lelo jino, jizhina ja Lesa jayukanyikwa bingi mumilaka yavula yambiwa mu Africa, nabiji mu Kizulu (uJehova), mu Kiyoruba (Jehofah), mu Kixhosa (uYehova) ne mu Kiswahili amba (Yehova). Pano bino, mu ma Baibolo avula a ino milaka kechi munembwa jizhina ja Lesa ne.

Baibolo yebatuntulula bulongo mwanembwa jizhina ja Lesa kewa Kizande, kyambiwa mumapunzha amo amu Central African Republic, Sudan ne Democratic Republic of Congo. Mu ano mapunzha, bantu bayuka jizhina ja Lesa jinembwa’mba Yekova mu milaka yabo. Nangwa kyakuba jizhina ja Lesa bejitelela mwavula, kyanema ke kwijiyuka. Mambo ka? Mambo “Bonse baketa pa jizhina ja [Yehoba] bakapuluka.”—Loma 10: 13.

[Maapu/Kipikichala pa peja 32]

(Umvwe mukeba bine byambo, monai mu buku)

SUDAN

CENTRAL AFRICAN REPUBLIC

DEMOCRATIC REPUBLIC OF CONGO

[Byambo bya Muntu Ungi]

The Complete Encyclopedia of Illustration/J. G. Heck