Kyubilo Kyakilamo Kunema Mumpito

KYAJINGA lufu lwa Yesu Kilishitu. Mamboka okyakijilemo kunema? Paji bishinka byavula bingi.

Yesu byoaikele wakishinka kufika nekulufu kyamwesheshe kuba’mba muntu wakonsha kusunga bulumbuluke kwi Lesa.

Lufu lwakwa Yesu lwapaine jishuko kubamo kwikala bakalama pamo neaye mwiulu. Kabiji lwashinkwijile bavula jishinda jakukekelamo nabumi bwamyaka nemyaka mupaladisa panopantanda.

Paoa mabanga saka akyangye kufwa, Yesu waingijishe shinkwa wabula mbizho newaini uchila kwikala bimpashañano byakitapisho kyabumuntu bwanji. Kabiji wabujile baana banji babwanga amba: “Kasa muba bibye mu kundanguluka amiwa.” (Luka 22:19) Nanchi mukavuluka kino kyubilo kyanemanyi?

Bakamonyi bakwa Yehoba nalusekelo bemwita kuba’mba mukavulukile nabo pamo Kivuluko kya lufu lwa Yesu. Uno mwaka kino kijiilo kikekalako pa Kina, March 28 pa kuzhika juba. Mwakonsha kuya ku Nzubo ya Bufumu iji kwipi nakomuji. Mwane ipuzhai Bakamonyi bakwa Yehoba baji ku mpunzha yenu bemubule mpunzha kokikekela ne kimye.