BUTALA BWA MABUKU BWA PA INTANETI
Kyamba kya Usopa
BUTALA BWA PA INTANETI
Kikaonde
Pa kukebela
  • Bisopelo
  • BAIBOLO
  • MABUKU
  • KUPWILA
  • w05 7/1 pp. 3-4
  • Kukeba Kwikala Balusekelo

Vidyo ufwamo.

Yakana kushinkuka.

  • Kukeba Kwikala Balusekelo
  • Kyamba kya Usopa—2005
  • Byambo Bipashako
  • Kusekela mu Bintu byo Tuji Nabyo ne Kwikala Bampanyi
    Labainga!—2018
Kyamba kya Usopa—2005
w05 7/1 pp. 3-4

Kukeba Kwikala Balusekelo

ALBERT wajinga na mukazhi ne baana babiji. Bino wayukile’mba paji kintu kimo kyo abujile mu bwikalo bwanji. Kimye kyo akebelenga nkito, wivwangile mu bya bumulwila ntanda bya socialism. Kabiji watwelele ne mu kipanyi kya Communist.

Pano bino, kechi papichile ne kimye ne, Albert walefwilwe na kipanyi kyo ajingamo kya Communist. Wasankijilepo bya bumulwila ntanda kuba’mba ekalenga na kisemi kyanji kimye kyabaya. Mu bwikalo bwanji wakebeshe bingi kuba’mba kisemi kyanji kikale kya lusekelo. Nangwa byonkabyo, Albert kechi wajinga na lusekelo ne; washupikwanga bingi mu milanguluko.

Byapichilemo Albert bimwekela ne bantu bakwabo. Bantu bavula pa kuba’mba bekale bwikalo bwawama, betumpapo kala mu bya bumulwila ntanda, mu butemwamaana, ne mu bupopweshi bwapusana pusana. Mu ma 1960, mu byalo bya mu Europe ne North America mwajinga mabumba a bakyanyike bakebanga kwikala balusekelo, pano bino mashinda o baingijishanga kechi ayijile monka mwaijile bisho ne byubilo bya kisemwa ne. Bakyanyike kikatakata bakebanga bingi kwikala balusekelo ne bwikalo bwawama kupichila mu kwingijisha bizhima ne maana ebafunjishanga bantangi ba bupopweshi. Nangwa byonkabyo, jino jibumba kechi jibaletejilepo lusekelo ne. Jalengejiletu bano bakyanyike kutatula kwingijisha bizhima ne kuba bulalelale, ne byubilo byaluwankana.

Pa myaka yavula, bantu bavula bakeba bunonshi, kwimwesha bulume, ne kufunda kuba’mba bino byo byafwainwa kwibaletela lusekelo. Mu kukeba bino bintu javula mufumatu bulanda bonka. Yesu waambile’mba: “Bumi bwa muntu kechi buji mu kuvula kwa bintu byo anonka ne.” (Luka 12:15) Mu kukeba bunonshi javula mufumatu makatazho. Baibolo waamba’mba: “Aba baji na muchima usaka bunonshi baponena mu lweseko ne kufwa mu bwina, ne mu bya lwiso bya kukosama ne bya kwiipaya, byo bibebizha bantu mu lufu ne mu lonaiko. Mambo kutemwa mali ye muzhazhi wa misango yonse ya bubi: bino bamo byo beakumbilwe . . . beashile bene na bya bulanda byavula.”—1 Timoti 6:9, 10.

Pano nga muntu wakonsha kwikala byepi bwikalo bwa lusekelo? Abya kupichila mu kwesekaesekatu bintu uba nobe kwasa muketo pa kintu kiji mu mfishi nyi? Ine. Byonka byo kyaambiwapo mu mutwe walondelapo, kuji kintu kyanema bingi kikebewa ku bantu.

[Kipikichala pa peja 3]

Nanchi kukeba bunonshi, kwimwesha bulume, nangwa kufunda byakonsha kwimuletela lusekelo nyi?

    Mabuku a mu Kikaonde (1992-2025)
    Shinkai
    Shinkulai
    • Kikaonde
    • Tuminaiko Bakwenu
    • Byo Mukeba
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Shinkulai
    Tuminaiko Bakwenu