Nanchi Mwanembesha Mpendwa ya Magazini o Mukeba Kutambulanga Kimye Kyonse Nyi?
1 Pakuba luno magazini byo abula mutengo waimikwa, nanchi tukeatambulanga byepi pa kipwilo? Kechi kyafwainwa kubiwanga muntu wafika bukiji pa kaunta wa magazini ye wakonsha kwikala mutanshi kutambula ne. Twakambizhiwa kuba’mba “bintu byonse byubiwe na mushingi ne mo byalondakena.” (1 Ko. 14:40) Onkao mambo, ñanyi mutanchi ye tusakulondelanga pakuba’mba kubulenga luvulañano nangwa kubwelapotu? Kyawama, vulukai kya mukachi kya mu Ubutumikishi Bwesu Ubwa Bufumu bwa September 1995 kiji na mutwe wa kuba’mba “Bomfya Bamagazini Besu Bwino nga Nshi.” Kitubujile “kwikala na orda wafwainwa wa magazini,” kabiji kyalondolwele kuba’mba: “Nembesha orda wa kine kine wa magazini o usaka kutambwilanga kufuma ku mulongo utala pa magazini pakuba ukekale na mpendwa yafwainwa ya ufuma umo umo. Mu jino jishinda obewa ne kisemi kyobe javula mukekalanga na magazini imufwainwa.” Nanchi mwauba bino nyi?
2 Nanchi magazini inge afika pa kipwilo akapanyiwa byepi? Wamwingilo utala pa magazini ukapa kila-musapwishi magazini kwesakana na mpendwa yo anembeshe. Bakulumpe bafwainwa kubula basapwishi kuba’mba kechi bafwainwa kutambwilangapo magazini akwabo kukila pa o banembeshene mambo kino kikalengela bamo kushalapo. Bino nangwa kiji byonkabyo, umvwe umo watana kuba’mba ukeba kutambulanga magazini avujilako nangwa akepelako wakonsha kubula wamwingilo utala pa magazini kumunungilako nangwa kumukepesheshako orda yanji. Wamwingilo wa magazini naye ukabula Sosaiti kukingya mpendwa ya magazini a kipwilo. Yukai kuba’mba papita ba ñondo basatu pakuba luno lupimpu lubiwe. Umvwe mubena kukafumapo pa kipwilo pa kimye kyabaya bulai wamwingilo utala pa magazini inge mubena kukeba kuba’mba akapenga muntu ugi magazini yenu poso mwabwela.
3 Sosaiti ibena kukeba kuba’mba yense musapwishi utanga ne bana banji batanga bekale na magazini wa Ulupungu lwa kwa Kalinda au wanji au wanji. Umvwe mutanga Loleni! mu Kibemba nangwa Awake! mu Kizungu mwafwainwa kwikalako na kope umo wa kisemi. Kununga pa bino mwafwainwa kuyuka mpendwa ya magazini o mukeba anweba bene ne kisemi kyenu mu busapwishi bwa mu bujimi. Mu jino jishinda bakulumpe ba mu kipwilo kechi bakasombangatu mpendwa ya magazini a kipwilone mu kifulo kya byobyo, bakavwanganga pamo mpendwa yonse ya kila-muntu kuba’mba baorde mpendwa ibena kukebewa. Mambo ka o mwabujila kunembesheshako mpendwa ya magazini o mukeba kutambula kimye kyonse? Wamwingilo utala pa magazini ukavwanga pamo mpendwa ya maorda onse pamo. Pa ku orda magazini mwafwainwa kukizhako mpendwa na mambo a bakasekela babula kunembesha mpendwa ya magazini. Akino kikalenga yense kwikala na magazini avula pa kimye kyonse kwakubula kuchiina kuba’mba bamo bakapwisha magazini ne abo bashalapotu.