Kabokoshi Ka Mepuzho

◼ Nanchi kipwilo kyafwainwa kwikala na maapu ya nyaunda yonse saka yalamikwa mu Nzubo ya Bufumu?

Ee, maapu ya nyaunda yonse yafwainwa kubikwa mu fulemu ne kulamikwa pa lubumbulu mu Nzubo ya Bufumu. Maapu kechi yafwainwa kulamikwa pa kipabi kya mabulañano ne. Yafwainwa kumwesha monse mwapela nyaunda ya kyo kyo kipwilo ne mipaka mwapela nyaunda ya muntu yense ne nambala yayo. Manyaunda a bipwilo byonse bingijisha Nzubo ya Bufumu imo afwainwa kumweshewa. Kino kikwasha basapwishi ne baji na lusekelo lwa kukeba kufunda bukine kuyuka kipwilo kina yoyo nyaunda mobekala. Umvwe mapunzha pekela Masambijilo a Buku a Kipwilo amweshewa pa maapu, kyakonsha kukwasha bonse kuyuka bulongo jisambijilo ja buku po bafwainwa kutanwanga. Umvwe kya kuba’mba muji lupimpu luji lonse, luno lupimpu lwafwainwa kumweshewa pa maapu.

Kwikala na maapu ya uno mutundu kuvululako basapwishi bonse’mba, umvwe kyakonsheka, muntu ne muntu wafwainwa kwiikela na nyaunda yanji. Maapu ikwasha bingi ku boba bakeba kwikala na nyaunda iji kwipi na kobekala. Kimye kimo, ikwasha kubula kutaya kimye mu kusambakana kwa kuya mu mwingilo, ne kukwasha utangijila jisambijilo ja buku kutongwela basapwishi bukiji-bukiji nyaunda yobebapa ya kwingijilamo.

Kabiji maapu imwesha kipwilo byo kyakokozhewa bulongo kusapwila buluwe bwa Bufumu mu nyaunda yakyo yonse yo kyapewa.—Luka 9:6.