Bya Kubijika

◼ Mabuku a kutambika mu September ne October: Magazini a Ulupungu lwa kwa Kalinda ne Loleni!. Kimye kya bipempu bya kubwelako mwakonsha kwipuzha umvwe babena kukeba kunembesha makope a magazini. Ku mpelo ya ñondo wa October tukatatula kutambwisha talakiti ya Mbila ya Bufumu Na. 36 iji na mutwe wa kuba’mba, “Nanchi Kiumbi kya ino Myaka ya Katataka Kimusungila Ñanyi Bwikalo mu Kimye kya Kulutwe?.” November: Kutambwisha talakiti ya Mbila ya Bufumu Na. 36 kukatwajijila. Bipwilo bikapwisha kutambwisha ino talakiti ya Mbila ya Bufumu Na. 36 ku bantu bonse, ku kila nzubo nangwa mu nyaunda ya kwingijilamo kipwilo byafwainwa kutambika buloshuwa wa Nanchi Lesa Ukebaka nangwa buku wa Kuyuka. Umvwe bantu baji nao, mwakonsha kwingijisha buku wa Ikala Kuli Pe na Pe nangwa wa Creation. December: Kuyuka Kutangijila ku Bumi Bwa Myaka ne New World Translation.

◼ Kipamo kya National Registration Regulations kyakambizha kuba’mba bena Zambia bonse baji na myaka ya kusemwa 16 nangwa kukilapo batwajijila kwikala mu mpunzha imo bafwainwa kuya na kukopwa leji ku Ofweshi ya National Registration Regulations iji kwipi na kobekala. Uno mukambizho wanematu ne ku bapimpula mazhina abo. Bonse bakambizhiwa kukopwa maleji bafwainwa kupelawizhako, ne kwikimona kuba’mba mukambizho wa Bwina Kilishitu wa kumvwina bandamabyalo. Bakulumpe mu kipwilo ne bansemi bafwainwa kulabijila uno mukambizho ne kuvululako balongo ne banyenga bakyanyike babena kufika ku myaka ya kusemwa 16.

◼ Bakulumpe mu kipwilo bavululwako kulondela mikambizho iji mu Ulupungu lwa kwa Kalinda lwa April 15, 1991, mapeja 21-3 kutazha ku bantu bapangiwa nangwa baleka kupwila abo bene babena kumweka kuba’mba bakonsha kubwezhiwa.

◼ KULIPILA LONI YA NZUBO YA BUFUMU: Mali a loni onse afuma ku bipwilo byapusana-pusana bingijisha Nzubo ya Bufumu imo afwainwa kutuminwa mu jizhina ja kipwilo janembwa pa sitetimenti ya kila ñondo ya Kingdom Hall loan account. Kange mwingijishe jizhina ja kipwilo kingi ne. Kila ñondo, kometi ya Nzubo ya Bufumu ikatambula mali a loni onse afuma mu bipwilo byonse bingijisha yo yo Nzubo ya Bufumu ne kwiatuma onse pamo ku Sosaiti kwingijisha fomu ya S-20 (Formu wa Kutuminapo Indalama uwa Cilonganino). Nembai “KH loan payment” ne bwingi bwa mali pa kishilwa kya yenka uno fomu ya S-20 pabula kunembwa bintu. Twasansapo kange mwingijishe ino fomu ya S-20 pa kutuma mali angi ne, kanatu a loni kwapwa.

◼ Waini wa pa Kivuluko: Bipwilo biji mu mapunzha a ku muzhi byafwainwa kuoda waini kyonka kino kimye. Tumai fomu ya S-20 pamo na mali a wainitu kwapwa. Nembaitu mu bisopelo bikatampe kuba’mba “MALI A WAINI.” Kechi mwafwainwa kutuma nkalata nangwatu fomu ya S-14 ne, kanatu fomu ya S-20. Kafwako waini ukatumwa kwakubula kutumina pamo mali na oda yenu ne. Mutumwa umo wa 200ml uji pa mutengo wa K1,500.00. Juba ja kupezhako kutuma maoda a waini ke 31 December, 2000. Waini ukatumwa mu February 2001.

◼ Sosaiti kechi ingijila pa oda wa mabuku akeba kila musapwishi ne, kana kupichila mu kipwilo. Pa ñondo pa ñondo fomu ya ku odelapo mabuku saka ikyangye kutumwa ku Sosaiti, wakutangijila mu kipwilo wafwainwa kunengezha kya kubijika ku kipwilo pa kuba’mba bonse bakeba kutambula mabuku a kyabo kyabo bayukishe mulongo utala pa mabuku. Mwane mwafwainwa kuyuka mabuku a oda wa pa mbaji.

◼ Ulupungu lwa kwa Kalinda ukatatula kulupuka umo kila ñondo mu mulaka Kiassam, mu Kiazerbaijani, ne mu Kitumbuka kutatula pa September 1, 2000.

◼ Wakutangijila mu kipwilo nangwa mukwabo umo ye atongola wafwainwa kubelenga maakaunti a kipwilo pa 1 September nangwa bukiji-bukiji pa nyuma ya jino juba. Inge kino kyaubiwa, bijikai ku kipwilo pa kubijika lipoti ya maakaunti.

◼ Mabuku ajipo:

Amalembo Yonse Yantu Yapuutwamo Kuli Lesa Kabili ya Kunonsha—mu Kibemba ne mu Kiloshi

1999 Watchtower Publications Index—mu Kizungu