Bya Kubijika

◼ Buku wa kutambika mu March: Buku wa Kuyuka Kutangijila ku Bumi Bwa Myaka. Twafwainwa kwingila na ngovu pa kuba’mba tutatule mafunjisho a Baibolo a pa nzubo. April ne May: Kyamba kya Usopa ne Loleni! Pa kubwelako ku bantu baji na lusekelo lwa kukeba kufunda bukine, tambikai buku wa Kuyuka nangwa buloshuwa wa Nanchi Lesa Ukebaka ne kutatula mafunjisho a Baibolo a pa nzubo. June: Nanchi Lesa Ukebaka kwi Atweba? nangwa Kuyuka Kutangijila ku Bumi Bwa Myaka. Kakachilai pa kutatula mafunjisho a Baibolo.

◼ Basapwishi bakeba kwingila mwingilo wa bupainiya bwa kukwasha mu April, bafwainwa kutatula kwinengezha kyonka kino kimye ne kunemba bikebewa pa mafomu a bupainiya bukiji-bukiji. Kino kikakwashako bakulumpe mu kipwilo kunengezha bulongo mutanchi wa mwingilo wa mu bujimi. Mazhina a bonse baketabizhiwa kwingila bupainiya bwa kukwasha afwainwa kubijikwa ku kipwilo.

◼ Kivuluko kikekalako pa Mulungu, April 8, 2001. Pa jino juba kukekalatu kupwila kwa kuya mu mwingilo wa mu bujimi kwapwa. Bakulumpe mu kipwilo bafwainwa kunengezha kupwila kwa lufunjisho lwa Kyamba kya Usopa kwikalako juba jingi.

◼ Sosaiti kechi ingijila pa oda wa mabuku akeba basapwishi pa muntu pa muntu bunke bwanji ne, kana kupichila mu kipwilo. Pa ñondo pa ñondo, fomu ya kuodelapo mabuku saka ikyangye kutumwa ku Sosaiti, utangijila mu kipwilo wafwainwa kubijika ku kipwilo pa kuba’mba bonse bakeba kutambula mabuku a kyabo kyabo babule mulongo utala pa mabuku. Mwane mwafwainwa kuyuka mabuku a oda wa pa mbaji.

◼ Inge jibumba ja bantu 20 nangwa kukilapo jibena kukeba kufwakashisha ofweshi ya Sosaiti ku Makeni, kyanema patanshi kutuma nkalata nangwa foni ku Ofweshi ya Betele. Kufwakasha kwikalakotu kufuma pa Kimo kufika pa Kitanu kimye kya 8 koloko kufika 3 koloko kwapwa. Inge 3 koloko yapita kechi kwikala kufwakasha ne, nangwa ku mpelo ya mulungu. Tumai kibelengelo kya bantu bakeya, juba ne kimye kyo mukafika. Saka mukyangye kunyamuka, pitulukai mu Kabokoshi ka Mepuzho mu Mwingilo Wetu wa Bufumu wa Kibemba wa March 1998 waamba pa mvwajilo ne byo mwakonsha kumweka kimye kyo mubena kuya ku Betele.

◼ Buloshuwa Mupya Ujipo:

Jehovah’s Witnesses—Who Are They? What Do They Believe?—Kibemba, Kichewa, Kifrench, Kiloshi, Kiswahili, Kitumbuka, ne Kizungu.

◼ Bipe bikwabo bijipo:

Tumapulasitiki twakubikamo Mabaji (tuno twakwingijisha pa kupwila kwa nkambi)