Bya Kubijika

◼ Mabuku akutambika mu December: Umuntu Wakulisha Uwabalile Abako Uwa Mweo. Umvwe uno buku mufwaye, ingijishai Icitabo Candi Ica Malyashi ya mu Baibolo, Baibolo—Cebo ca kwa Lesa Nelyo ca Muntu?, nangwa Kuti Waikala Kuli Pe na pe muli Paradise Pe Sonde. January: Buku yense uji namapeja 192 wanembelwe palutwe yamwaka wa 1987 umvwe poaji pakipwilo. Bipwilo biji nabuku wa Ukusapika Lesa Ukwa Mutundu wa Muntu, byakonsha kumutambika. February: Mabuku akala aji onse amapeja 192 aji pakipwilo. March: Buku wa Kuyuka Kutangijila ku Bumi Bwa Myaka. Twafwainwa kwingila nangovu kutatula mafunjisho a Baibolo apanzubo.

◼ Bipwilo byafwainwa kutatula kuoda mabaundi volyumu a Kyamba kya Usopa ne Loleni! amwaka wa 2001 pamo naoda wamabuku wañondo wa December. Ano mabaundi volyumu ajitu mumulaka wa Kizungu. Pamutanchi wakupaikilapo mabuku pakanembwa’mba “Bibena kwiya panyuma,” poso kimye mabaundi volyumu kyoakatumwa. Mabaundi volyumu kebipe byaoda wiikajila.

◼ Kivuluko kyamwaka wa 2002 kikekalako pa Kina, March 28, pakuzhika juba. Kino kyabijikilwa jimo kuba’mba balongo batatule kunengezhezha jimo nekwisambila jimo nabaji nabishimikwa bikatampe umvwe kyakuba’mba bipwilo byavula bingijisha Nzubo ya Bufumu imo, kabiji nekwibakwashako kumwena jimo bipe bikwabo. Bakulumpe mukipwilo bafwainwa kwitabanzhenya jimo nabene bena kishimikwa kyobakapwilamo nekumona’mba pakyokyo kimye mukishimikwa kechi mukekalapo byakubauba bikwabo byakonsha kuvulañanyane, pakuba’mba Kivuluko kikavulukwe mumutende kabiji pabula kiwowo. Pakusala ñambi ukamba jashi ja Kivuluko, jibumba jabakulumpe mukipwilo jafwainwa kusala mukulumpe wafikapo kyakine kine kechi kutongolatu uji yense nangwa kwingijishatu mulongo umo pamwaka pamwakane, mambo Kivuluko kekintu kyanema bingi. Umvwe paji mukulumpe mukipwilo wamubashingwa wafikapo wakonsha kwamba jashi, yewafwainwa kusalwa. Mwane yukai kuba’mba Kivuluko kyamwaka wa 2003 kikekalako pa Kisatu, April 16.