Byakubijika

◼ Mabuku akutambika mu October: Magazini a Kyamba kya Usopa ne Loleni! Umvwe bantu bamwesha lusekelo, batambikai buloshuwa wa Nanchi Lesa Ukebaka, nekutatula mafunjisho a Baibolo. November: Nanchi Lesa Ukebaka Kwiatweba? nangwa Kuyuka Kutangijila ku Bumi Bwa Myaka. Umvwe bantu baji nao kala ano mabuku, mwakonsha kwibatambika buloshuwa uji yense umvwe poaji pakipwilo. Umvwe kechi muji namabuku akala pakipwilone, ipuzhai bipwilo byomwatentakana nabyo umvwe biji nao bemupepo asubukapo. December: Umuntu Wakulisha Uwabalile Abako uwa Mweo. Umvwe uno buku mufwaye, ingijishai Icitabo Candi Ica Malyashi ya mu Baibolo, Baibolo Cebo ca kwa Lesa—Nelyo ca Muntu?, nangwa Kuti Waikala Kuli Pe na pe Muli Paradise Pe Sonde. Umvwe kechi muji nao ano mabuku pakipwilone, ipuzhai bipwilo byomwatentakana nabyo umvwe biji naasubukapo bemupepo. January: Buku uji yense wanembelwe palutwe yamwaka wa 1988 umvwe poaji pakipwilo. Bipwilo biji nabuku uji namutwe wakuba’mba Ukusapika Lesa Ukwa Mutundu wa Muntu.

◼ Kyamukachi kiji muuno Mwingilo Wetu wa Bufumu ye “Mutanchi wa Sukulu ya Mwingilo wa Teokalasi wamu 2003.” Onkao mambo, uno mutanchi wafwainwa kusungwa bulongo pakuba’mba mukamonengapo mumwaka yense wa 2003.

◼ Umvwe kimye kyomupwilamo pakipwilo kyenu kikapimpulwa pa January 1, munembeshi mukipwilo wafwainwa kuyukisha ofweshi yamusampi pamambo aluno lupimpu kwingijisha pepala ya Ifyebo pa lwa Kulongana kwa Cilonganino (S-5).

◼ Mwakonsha kutatula kuoda bipabi panembwa Kinembelo kyamwaka wa 2003. Bino bipabi biji mumitundu ibiji. Kipabi kyaluma mutengo kiji pa K11,000.00 kabiji kekyokya kyamutundu wa bupulasitiki kilamata palubumbulu. Kipabi kyapelako mutengo kiji mumutundu wakipepala kyakosakana kibula kulamata palubumbulu, kiji pamutengo wa K3,000.00. Bino bipabi pakwibioda, mwafwainwa kutumina pamo namali kwingijisha pepala ya S-20, nekunemba bulongo’mba “Ilembo lya mwaka” pakishilwa Kiikajila kabiji tongolai mulaka yemukeba. KECHI MWAFWAINWA KUODELA PA PEPALA YA S-14 NE. Mitundu yonse ibiji panembwa kinembelo kyamwaka ikekalako mu Kibemba, Kichewa, ne Kizungu. Bipabi bikekalatu mu Kitonga kebyobya byakosa mutengo (K11,000.00) kabiji mu Kiloshi amo mukekalatu byapelako mutengo (K3,000.00). Kechi kukekala kinembelo kyamwaka wa 2003 mu Kilubale ne. Kipabi kya kinembelo kyakatataka kyamwaka kyafwainwa kupabikwa kutatula pa January 1, 2003. Kipwilo kyafwainwa kuodatu kipabi kimo panembwa kinembelo kyamwaka mumulaka yebengijisha mukyokyo kipwilo. Umvwe bipwilo biji namilaka yapusana-pusana bingijisha Nzubo ya Bufumu imo, byafwainwa kuodatu kipabi kimo kimo kwesakana nayoyo milaka.